Մարտի 15-ին` ժամը 17:19-ին Ճգնաժամային կառավարման ազգային կենտրոն ահազանգ է ստացվել, որ Երևանի Չարենցի փողոցի 2-րդ նրբանցքի տներից մեկի բակում այրվում է կուտակած փայտ։ Այս մասին հաղորդում է Փրկարար ծառայությունը։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը։

Պարզվել է, որ հրդեհը բռնկվել է տներից մեկի բակում գտնվող երկու խորդանոցում։

Հրդեհը մեկուսացվել է ժամը 18։00-ին, մարվել՝ 18։28-ին։ Այրվել են խորդանոցները (մոտ 50 քմ), ներսում կուտակած կենցաղային իրեր և աղբ։