«Հետքի» տաղավարում հյուրընկալել ենք Հայաստանի երեխաների առողջության հիմնադրամի հիմնադիր-տնօրեն Արմեն Մարտիրոսյանին։ Նրա հետ խոսել ենք հիմնադրամի գործունեության, առողջապահության ոլորտի խնդիրների, չգրանցված դեղերի և մի շարք այլ կարևոր թեմաների մասին։ 

• Արմեն Մարտիրոսյանը 2009 թվականից կամավորական հիմունքներով «Ֆեյսբուք» սոցիալական ցանցում դրամահավաքներ էր կազմակերպում քաղցկեղի և մահաբեր այլ հիվանդությունների դեմ պայքարող երեխաների համար։ Տարիներ շարունակ այս ոլորտում ներգրավված լինելուց հետո որոշեց հիմնադրամ ստեղծել, որպեսզի ավելի ինստիտուցիոնալ մոտեցում ցուցաբերի ուշադրությունից դուրս մնացած ու բուժման կարիք ունեցող երեխաներին։
• Հիմնադրամի գործունեության 3 տարվա ընթացքում օգնություն է տրամադրվել 2700 երեխայի, ընդհանուր՝ 1 միլիարդ դրամի աջակցություն է հատկացվել։ Ընդլայնվել է համագործակցությունը պետական մարմինների, հատկապես՝ Առողջապահության նախարարության հետ։ 
• Առողջապահության նախարարության հետ պարբերաբար քննարկումներ են իրականացվում, որոնց ընթացքում Հայաստանի երեխաների առողջության հիմնադրամը առաջարկներ է ներկայացնում առողջապահության ոլորտը բարելավելու վերաբերյալ։
• Կարևոր են Հայաստանում չգրանցված դեղերը օրինական ճանապարհով ներկրելու, թանկարժեք դեղերի՝ պետության կողմից սուբսիդավորման, մարզերի բուժհաստատությունների վերազինման, մասնավոր սեկտորի և պետական կառույցների համագործակցության հարցերը։

Մանրամասները դիտեք տեսանյութում՝