Ընդմիջումից հետո պաշտպան Հովիկ Արսենյանը չի ներկայացել դատարան: Դատարանը նրա նկատմամբ կիրառել է սանցկիա` դատարանի նկատմամբ անհարգալից վերաբերմունք դրսևորելու համար և դիմել է Փաստաբանների պալատի խորհրդին  նրա վարքագիծը քննելու հարցով: Պաշտպանական կողմը հակադրվել է դատավորին հիմնավորելով, որ այստեղ լուծարվել է պաշտպանյալի և պաշտպանի միջև կնքված պայմանագիրը, և դատավորն իրավունք չունի մերժել Սասուն Միքայելյանի` իր պաշտպանից հրաժարվելու գրավոր դիմումը: Ավելին, Հովիկ Արսենյանը ոչ թե նշանակված` հանրային պաշտպան է, այլ պայմանագրային: Պաշտպանները դժգոհել են դատարանից, որ ամենօրյա դատական նիստեր նշանակելու պատճառով չեն հասցնում շփվել իրենց պաշտպանյալների հետ: Պաշտպանները հանդես են եկել հայտարարությամբ ` կետ առ կետ նշելով դատավորի ապօրինի քայլերը և ընդգծելով նրա կամակատար որոշումների անօրինականությունները: