Տեսանյութեր
Լուսանկարներ
Շոյգուն Հարավային Կովկասում իրավիճակի բարելավման միտում է տեսնում
Հարավային Կովկասում իրավիճակը բարելավման միտում ունի, ինչին նպաստել են Հայաստանի և Ադրբեջանի հարաբերությունների կարգավորումն ու տարածաշրջանում փաստացի խաղաղության հաստատումը։ TACC գործակալության փոխանցմամբ՝ այդ մասին ԱՊՀ անդամ պետությունների անվտանգության խորհուրդների քարտուղարների 14-րդ ամենամյա հանդիպման ժամանակ հայտարարել է Ռուսաստանի անվտանգության խորհրդի քարտուղար Սերգեյ Շոյգուն։
ՌԴ անվտանգության խորհրդի քարտուղարը կարևորել է նաև տարածաշրջանում տրանսպորտային հաղորդակցությունների ապաշրջափակումը՝ հիշեցնելով, որ այդ հարցի շուրջ պայմանավորվածություններ էին ձեռք բերվել դեռևս աշխատանքային խմբի շրջանակում՝ նկատի ունենալով Հայաստանի, Ռուսաստանի և Ադրբեջանի փոխվարչապետների մակարդակով ստեղծված եռակողմ աշխատանքային խումբը։
Միաժամանակ Շոյգուն ընդգծել է, որ լոգիստիկ բոլոր նախագծերը պետք է ունենան տնտեսական հիմնավորում և լինեն շահութաբեր։
Լուսանկարը՝ Կրեմլի մամուլի ծառայության
Մեկնաբանել