Հայ արտահանողների մի մասը, այդ թվում՝ խոշոր ընկերություններ, խուճապի մեջ է։ Ռուսաստանն անորոշ ժամանակով արգելել է ոչ միայն հայկական պտուղ-բանջարեղենի, ծաղիկների, չրերի և այն ապրանքների ներմուծումը, որոնց մասին պաշտոնապես հայտարարվել է, այլև մի շարք այլ ապրանքների զննման գործընթացն այնքան է երկարացրել ու թանկացրել, որ դրանք ՌԴ հասցնելը հայ արտահանողների համար դարձել է վնասաբեր։

«Հետք»-ի տաղավարում հայկական չրեր և պահածոներ արտահանող «Gourmet Lab» բրենդի հիմնադիր Արտյոմ Թադևոսյանը նշում է, որ կառավարության տրամադրած սուբսիդիաները հարցը չեն լուծում։ Հայկական ապրանքները եվրոպական շուկաներում հաստատվելու համար դեռևս երկար ճանապարհ պետք է անցնեն. դա մի գործընթաց է, որը պետք էր սկսել ոչ թե հանկարծակի, այլ դրան տարիներով նախապատրաստվել։

Արտյոմ Թադևոսյանի հետ զրուցել ենք այն մասին, թե ինչ վիճակում են հայտնվել տնտեսվարողները, ինչ պետք է անի կառավարությունը և ինչու հայկական ապրանքները չեն կարողանում արագ դիրքավորվել եվրոպական ու այլ շուկաներում։ Մի կողմից՝ նոր շուկաներ գտնելն է դժվար, մյուս կողմից՝ մեծ է ռուսական շուկայում ունեցած դիրքերը կորցնելու ռիսկը, քանի որ հայկական ապրանքների փոխարեն, ըստ Թադևոսյանի, արագորեն կհայտնվեն թուրքական և ադրբեջանական արտադրանքները։

Մանրամասները՝ տեսանյութում։