Մալաթիա-Սեբաստիա վարչական շրջանի թիվ 7/8 ընտրատեղամասում «Ուժեղ Հայաստան» կուսակցությունների դաշինքից 3 վստահված անձ կար գրանցամատյանում: Մեր հարցին, թե ինչու՞ է 3 անձ գրանցվել, երբ ընտրատեղամասում օրենքով 2 վստահված անձ կարող է գտնվել, հանձնաժողովի քարտուղարն ասաց՝ եկել, դուրս են եկել, ապա հորդորեց դիմել հանձնաժողովի նախագահին:

Հանձնաժողովի նախագահ Կարապետ Պարսամյանն ասաց, որ նրանցից մեկը դրսում է: Մեր ճշտող հարցին, որ, այնուամենայնիվ, 3 վստահված անձ է այս պահին գրանցված, և նրա դուրս գալու ժամը նշված չէ, ասաց. «Կարողա դուրս չի եկել, դուրսը կանգնածա»:

Այնուհետև քարտուղարին հանձնարարեց գրանցամատյանում նշել վստահված անձի ընտրատեղամասից դուրս գալու ժամը:

Հանձնաժողովի նախագահն ընդունեց, որ մեր բարձրաձայնելուց հետո է գրանցամատյանում նշվել վստահված անձի դուրս գալու ժամը: «Ուժեղ Հայաստան»-ի մյուս վստահված անձինք հայտնեցին, որ 3-րդ վստահված անձը դրսում ծխում է: