«Ոտքի վրա» շարքի այս թողարկմանը զրուցել ենք Հայաստանի շնորհապետական կուսակցության վարչապետի թեկնածու Գուրգեն Սիմոնյանի հետ։ Փորձել ենք պարզել, թե ի՞նչ է առաջարկում քաղաքական այս ուժը երիտասարդներին։

Քննարկված թեմաներն են՝

• կրթական համակարգի կառուցվածքային փոփոխություններ և հանրակրթության ժամկետի կրճատում,
• բարձրագույն կրթության հասանելիություն և անվճար ուսման պայմաններ,
• ակադեմիական քաղաք,
• 1 տարվա պարտադիր զինվորական ծառայության առաջարկ,
• մարզային կյանքի ակտիվացում և երիտասարդական ենթակառուցվածքների զարգացում,
• բնակապահովման և երիտասարդ ընտանիքների համար պետական աջակցության ծրագրեր։

Գուրգեն Սիմոնյանը ներկայացրել է կրթական բարեփոխումների մասին իր պատկերացումները՝ առաջարկելով կրճատել հանրակրթության տևողությունը, վերափոխել բուհական համակարգը և պայմանական անվճար բարձրագույն կրթության մոդել ներդնել՝ հիմնված առաջադիմության վրա։ 

Խոսել ենք նաև երիտասարդների զբաղվածության, մարզերում ենթակառուցվածքների ու երիտասարդական ակումբների ստեղծման մասին։ 

Սիմոնյանը կարեւորել է նաև բնակապահովման խնդիրները՝ նշելով, որ անհրաժեշտ է թարմացնել բնակֆոնդը և պետական աջակցության մեխանիզմներով երիտասարդների համար Հայաստանում բնակարան ձեռք բերելու և կայանալու հնարավորություն ստեղծել։