Իսրայելի հարավում գտնվող Արադ և Դիմոնա քաղաքների վրա իրանական հրթիռակոծության հետևանքով տուժել է ավելի քան 170 մարդ։

Արադում բնակելի շենքերի ուղղությամբ բալիստիկ հրթիռների հարվածի հետևանքով տուժել է առնվազն 115 մարդ, նրանցից 9-ը գտնվում է ծանր վիճակում։ Եվս 19 մարդ հոսպիտալացվել է միջին աստիճանի, իսկ 55-ն էլ՝ թեթև աստիճանի վնասվածքներով։

זירת הנפילה בערד, במרכזה מכתש הפגיעה הישירה. לפי פיקוד העורף בשלושת הבניינים הישנים יש מקלט שעמד בפגיעה. ניתן אפילו לראות את קירות הבטון עומדים. שלושה בניינים נפגעו באורח קשה וקירות שלהם קרסו. חלק מהפצועים באורח קשה יותר היו ככל שמבינים גורמי הבטחון לא בתוך המקלטים ונאמר לי… pic.twitter.com/DrCq6untD4

— Bar Peleg (@bar_peleg) March 22, 2026

Լրագրողների տվյալներով՝ ամենածանր վնասվածքները ստացել են այն անձինք, որոնք հարվածի ժամանակ չեն եղել ապաստարաններում։

Դիմոնայում դարձյալ ուղիղ հարվածի հետևանքով տուժել է առնվազն 59 մարդ։ Տուժածներից մեկը 12-ամյա երեխա է։ Երեխայի մայրը Kan հեռուստաընկերությանը պատմել է, որ նրա որդին չի հասցրել հասնել ապաստարան։

Drone footage courtesy of United Hatzalah shows the scene of the Iranian ballistic missile impact in Arad.

The missile struck between several apartment buildings, wounding dozens of people and causing extensive damage. pic.twitter.com/rIKL2tpZPC

— Emanuel (Mannie) Fabian (@manniefabian) March 21, 2026

Բեէր Շևայի բժշկական կենտրոններից մեկը հայտնել է, որ Արադում և Դիմոնայում բուժօգնություն է տրամադրվել 175 տուժածի։ The Times of Israel-ը գրում է, որ մարտի 22-ի առավոտվա դրությամբ առնվազն 36 մարդ մնում էր հիվանդանոցում։

Footage shows the moment an Iranian ballistic missile struck the southern city of Dimona this evening. pic.twitter.com/fCYwtgAj5x

— Emanuel (Mannie) Fabian (@manniefabian) March 21, 2026

Իրանական պետական գործակալությունների տվյալներով՝ հարվածները հասցվել են իսրայելական միջուկային հետազոտական կենտրոնին, որը գտնվում էր Դիմոնայից մոտ 10 կիլոմետր, իսկ Արադից 30 կիլոմետր հեռավորության վրա։ Ըստ Իրանի՝ սա պատասխանն էր նախօրեին Նաթանզի միջուկային կայանին հասցված հարվածին։ 

Հիշեցնենք, որ նախօրեին ԱՄՆ-ն հարվածել էր Նաթանզի ուրանի հարստացման գործարանին։ Իրանում կարծում են, որ հարվածը հասցվել է իսրայելցի զինվորականների մասնակցությամբ, սակայն Իսրայելը հերքում է իր մասնակցությունը։

Շիմոն Պերեսի անվան միջուկային հետազոտական կայանը, որը գտնվում է Դիմոնայից ոչ շատ հեռու՝ Իսրայելի Նեգև անապատում, հիմնարար դերակատարություն ունի միջուկային զենքի ստեղծման իսրայելական ծրագրում։ Այդ ծրագրի գոյության մասին Իսրայելը ոչ հերքում է, ոչ էլ հաստատում։

Լուսանկարը՝ Chaim Goldberg/Flash90