Իրանի գերագույն առաջնորդ Ալի Խամենեին մահացել է փետրվարի 28-ի առավոտյան իր նստավայրում՝ ԱՄՆ-ի և Իսրայելի հարվածներից։ Այդ մասին հայտարարել են իրանական Fars և պետական IRNA գործակալությունները։

Fars-ը հայտնել է, որ զոհվել են նաև Խամենեիի դուստրը, փեսան, թոռը և հարսներից մեկը։

Հրապարակված արբանյակային լուսանկարներից երևում է, որ Խամենեիի՝ Թեհրանում գտնվող նստավայրը գրեթե ամբողջությամբ վերացվել է։

Ինչպես հայտնում է IRNA գործակալությունը, գերագույն առաջնորդի մահվանից հետո Իրանը ժամանակավորապես կգլխավորեն նախագահը, դատական իշխանության ղեկավարը և Սահմանադրության պահապանների խորհրդի անդամներից մեկը։

Ավելի վաղ Ալի Խամենեիի մահվան մասին հայտարարել էր ԱՄՆ նախագահ Դոնալդ Թրամփը։ 

Իրանում հայտարարվել է 40-օրյա սուգ։

Լուսանկարը՝ Reuters գործակալության