Հայաստանում անցկացված վերջին համապետական ընտրություններին՝ 2021-ի խորհրդարանականին, ընտրության իրավունք ունեցող 1 մլն 313 հազար 515 մարդ չի գնացել ընտրատեղամաս ու չի քվեարկել։ Այս մարդկանց գոնե մի մասը, ամենայն հավանականությամբ, բնակվում է Հայաստանում։ Նրանք կարող են համաձայն լինել կամ չլինել վարվող ներքին կամ արտաքին քաղաքականության հետ, բայց փաստացի նրանց կարծիքը որևէ կերպ չի արտահայտվում։

Հայաստանում անցկացվող համապետական և տեղական ընտրություններին մասնակցողների թիվը տարեցտարի նվազում է։ Ամեն տարի ավելի ու ավելի քիչ մարդ է իրացնում իր սահմանադրական այս իրավունքը։

«Թեմա համար 1»-ի այս թողարկմանը կպատմենք, թե ինչու է կարևոր ընտրություններին մասնակցելն ու ինչ հետևանքներ է ունենում  ընտրությունների չգնալը։