«Բարգավաճ Հայաստան» կուսակցության նախագահ Գագիկ Ծառուկյանը ֆեյսբուքյան էջում ներկայացրել է «Առաջարկ Հայաստանին» նախագծի սկզբունքները։

Ծառուկյանի խոսքով, իրենք մերժում են անիրատեսական ծրագրերը և կեղծ խոստումները։ 

«2026-ը պետք է դառնա կոնկրետ առաջարկների, գաղափարների, լուծումների, կոնկրետության տարի»,- գրել է ԲՀԿ առաջնորդը։

2026 թվականի խորհրդարանական ընտրւթյուններին մասնակցելու մասին ուղիղ հայտարարություն Ծառուկյանը դեռ չի արել։ Պարզ չէ՝ ինչպես է նա պատրաստվում իրագործել իր այս նախագիծը։

Իր գրառման մեջ Ծառուկյանը երկրում ստեղծված մթնոլորտը անթույլատրելի է համարել և հավելել, որ 2026-ը պետք է դառնա խղճահարության հաղթահարման տարի։

Ծառուկյանը դեռ 2025-ի մայիսին էր հայտարարել, որ սկսում են «Առաջարկ Հայաստանին» ծրագրի մշակումը։ 

Հիշեցնենք, որ «Բարգավաճ Հայաստան» կուսակցությունը մասնակցել էր նախորդ՝ 2021-ի արտահերթ խորհրդարանական ընտրություններին, սակայն չէր հաղթահարել անցողիկ շեմը։