Այս գիշեր ուկրաինական անօդաչուները հարձակվել են Դոնի Ռոստովի, Բատայսկի ու Տագանրոգի վրա։ Այդ մասին Meduza-ի փոխանցմամբ հայտարարել է Ռոստովի մարզի նահանգապետ Յուրի Սլյուսարը։ 

Նրա խոսքով՝ հարձակման հետևանքով Դոնի Ռոստովի նավահանգստում այրվել է բեռնատար նավ։ Անձնակազմի երկու անդամ, որոնք գտնվում էին նավի վրա, զոհվել են, ևս 3-ը ստացել տարբեր աստիճանի մարմնական վնասվածքներ։ Հրդեհի մակերեսը կազմել է 20 քառակուսի մետր։ Քաղաքի արևմտյան հատվածում վնասվել է նաև բազմահարկ նորակառույց, տուժածներ չկան։

Բատայսկում անօդաչուների հարձակման հետևանքով վիրավորվել է 7 մարդ, նրանցից 3-ը հոսպիտալացվել են։ Զոհվել է 1 մարդ։ 

Astra-ն գրում է, որ Բատայսկում այրվել է նաև 1 տուն։

ՌԴ պաշտպանության նախարարությունից հայտնել են, որ դեկտեմբերի 17-ի երեկոյան ժամերից հակաօդային պաշտպանության միջոցները խոցել են ուկրաինական 77 անօդաչու։ Գերատեսչության տվյալներով՝ Ռոստովի մարզի երկնքում խոցվել է 3 անօդաչու։

Լուսանկարը՝ РИА Новости / Алексей Филиппов