Դեկտեմբերի 14-ին Սիդնեյի Բոնդի լողափի շրջանում տեղի է ունեցել հրաձգություն։ Ինչպես հայտնում է ավստրալական ABC-ն, ականատեսները պատմել են, որ սև հագնված երկու տղամարդ հետիոտնային կամրջի մոտից հրաձգություն են իրականացրել։ Համացանցում հայտնվել են տեսանյութեր, որտեղ երևում են հարձակում գործած անձինք։

Հրաձգությունը տեղի է ունեցել հրեական կրոնական Հանուկա տոնի առաջին օրը, որն այս տարի նշվում է դեկտեմբերի 14-22-ը։ Կիրակի երեկոյան Սիդնեյում հրաձգության ժամանակ ընթանում էր առաջին մոմերի վառման արարողությունը։

Ականատեսներից մեկը պատմել է, որ լսել է մոտ 50 կրակոց։ Մեկ այլ մարդու տվյալներով էլ՝ հրաձգությունը շարունակվել է մոտ 10 րոպե։ Նա տեղի ունեցածը նկարագրել է որպես «դժոխք Երկրի վրա»։

A man who disarmed a terrorist has been identified as a Muslim named Ahmed Al Ahmad during an attack on a Jewish event in Sydney.

He prevented further harm to Jews. pic.twitter.com/OvU0y0iQq4

— Globe Eye News (@GlobeEyeNews) December 14, 2025

ABC-ին երկու ականատեսներ պատմել են, որ ի սկզբանե կրակոցները ընկալել են որպես հրավառության ձայներ։ Նրանց մեկի խոսքով՝ հրաձիգը կրակ է բացել՝ գտնվելով սպիտակ մեքենայի մեջ։

Տեսանյութերից պարզ է դառնում, որ զինված հարձակմանը մասնակցել է երկու մարդ, չնայած այն հանգամանքին, որ ավելի ուշ Սիդնեյի ոստիկանությունը հայտարարել է, որ ստուգում է երրորդ հրաձիգի մասին վարկածը։ Հարձակում գործած անձանցից մեկը զոհերի թվում է, երկրորդը՝ ձերբակալվել է։ Ըստ առկա տվյալների՝ ձերբակալվածը գտնվում է կրիտիկական վիճակում։ Սոցիալական ցանցերում հայտնվել է մի տեսանյութ, որտեղ քաղաքացիներից մեկը վնասազերծում է, ենթադրաբար, հարձակում գործած անձանցից մեկը։ Անհայտ է, թե այս անձը սպանված, թե ձերբակալված հրաձիգն է։

BREAKING: At least 7 people shot at Bondi Beach, Sydney - witness https://t.co/8XjefvdGHY

— BNO News (@BNONews) December 14, 2025

News.com.au-ը գրում է, որ հրաձիգներից մեկին զինաթափած անձը 43-ամյա Ահմեդ ալ-Ահմեդն է, որը բնակվում է Սիդնեյում։ Վերջինս հիվանդանոցում է։

Նոր Հարավային Ուելս նահանգի վարչապետ Քրիս Մինսը մամուլի ասուլիսի ժամանակ հայտարարել է, որ հրաձգության հետևանքով զոհվել է 12 մարդ։ Նա հարձակումն անվանել է Սիդնեյի հրեական համայնքի վրա հարձակում։ Նահանգի ոստիկանության ղեկավար Մել Լեյոնն էլ հայտնել է 29 վիրավորների մասին, որոնց թվում կա 2 ոստիկան։ Վերջինս հարձակումն անվանել է ահաբեկչություն։ Զոհերի թվում է նաև րաբբի Էլի Շլանգերը, իսկ տուժածների թվում՝ Իսրայել-Ավստրալիա խորհրդի նախագահ Արսեն Օստրովսկին։ Նա գլխի շրջանում վիրավորում է ստացել։

BREAKING: Rabbi Eli Schlanger, a Chabad emissary, was MURDERED in the Bondi Beach terror attack, while celebrating Hanukkah.

He was targeted for being Jewish.
NEVER AGAIN is now. pic.twitter.com/N7t3NLe2v0

— Hananya Naftali (@HananyaNaftali) December 14, 2025

Ոստիկանությունում ABC-ի բարձրաստիճան աղբյուրներից մեկը նշել է հարձակում գործած անձանցից մեկի անունը՝ Նարվիդ Աքրամ։ Սիդնեյի արվարձանում՝ Բոնիրիգեում գտնվող նրա տանը խուզարկություն է տեղի ունեցել։ Ոստիկանությունում News.com.au-ի աղբյուրները կարծում են, որ հարձակումը նախապատրաստվել է մի քանի ամիս։

Վերջին տվյալների համաձայն՝ հարձակման վայրում հայտնաբերվել է նաև ինքնաշեն պայթուցիկ սարք։ 

Ավստրալիայի վարչապետ Էնթոնի Ալբանեզեն Սիդնեյում հրաձգությունն անվանել է «շոկային ու անհանգստություն առաջացնող»։ Նա նախարարների մասնակցությամբ ազգային անվտանգության կոմիտեի նիստ է հրավիրել։

Հարձակումը արդեն իսկ դատապարտել է Իմամների ավստրալական խորհուրդը։

Լուսանկարը՝ Mark Baker / AP / Scanpix / LETA