Ֆրանսիայի նախագահ Էմանուել Մակրոնը հանրապետության նոր վարչապետին կնշանակի 48 ժամվա ընթացքում։ Այդ մասին հայտնել է Le Monde-ը՝ հղում անելով Ելիսեյան պալատին։

Այդպիսով, Ֆրանսիայի առաջնորդի վարչակազմը հաստատել է հրաժարական ներկայացրած վարչապետ Սեբաստիեն Լըկորնյուի հայտարարությունը France 2 հեռուստաընկերության եթերում, որ առաջիկա երկու օրվա ընթացքում սպասում է իր իրավահաջորդի նշանակմանը։ 

Ելիսեյան պալատից նաև հայտնել են, որ Մակրոնը շնորհակալություն է հայտնել Լըկորնյուին քաղաքական ճգնաժամից դուրս գալու հարցի շուրջ վերջին երկու օրերին խորհրդարանական կուսակցությունների ներկայացուցիչների հետ վարած խորհրդակցությունների համար:

Ֆրանսիայում քաղաքական ճգնաժամը խորացավ այն բանից հետո, երբ հոկտեմբերի 6-ին Լըկորնյուն հրաժարական ներկայացրեց։ Դա տեղի ունեցավ այն բանից հետո, երբ ընդդիմությունը քննադատեց կառավարության թարմացված կազմը, որտեղ 18 մանդատից 13-ը բաժին էր հասել նախորդ կառավարության ներկայացուցիչներին։

Նույն օրը երեկոյան Ելիսեյան պալատը հայտնել էր, որ Մակրոնը Լըկորնյուին հանձնարարել է մինչև հոկտեմբերի 8-ը նոր բանակցություններ սկսել քաղաքական ուժերի հետ՝ հանուն երկրի կայունության համար։

Լուսանկարը՝ CBS News-ի