Տեսանյութեր
Լուսանկարներ
Իսրայելական հարձակման հետևանքով զոհվել է իրանցի առնվազն 20 բարձրաստիճան հրամանատար. Reuters
Reuters գործակալությունը, հղում անելով իր երկու աղբյուրին, գրում է, որ Իրանի ուղղությամբ Իսրայելի գիշերային հարձակման հետևանքով զոհվել է իրանցի առնվազն 20 բարձրաստիճան հրամանատար։
Իսրայելի պաշտպանության բանակն իր հերթին հայտարարել է, որ իսրայելական կործանիչները հարձակվել են Իսլամական հեղափոխության պահապանների կորպուսի ստորգետնյա բունկերներից մեկի վրա։ Ըստ ՑԱԽԱԼ-ի՝ այդ ընթացքում այնտեղ խորհրդակցություն էր տեղի ունենում։
Հենց այդ հարձակման հետևանքով սպանվել է Իսլամական հեղափոխության պահապանների կորպուսի ռազմաօդային ուժերի հրամանատար Ամիր Ալի Հաջիզադեն և բարձրաստիճան այլ զինվորականներ։
Մինչ այս պահը հայտնի է նաև Իրանի ԶՈւ ԳՇ պետի և Իսլամական հեղափոխության պահապանների կորպուսի հրամանատարի մահվան մասին։
Լուսանկարում՝ Իսլամական հեղափոխության պահապանների կորպուսի հրամանատար Հոսեյն Սալամին և Իրանի ԶՈւ ԳՇ պետ Մոհամմադ Բաղերին/WANA գործակալություն
Մեկնաբանել