Իրանի ԶՈւ ԳՇ պետ, գեներալ-լեյտենանտ Մոհամմադ Բաղերին, Իրանի զինված ուժերի հակաօդային պաշտպանության ուժերի կենտրոնական շտաբի պետ, գեներալ-լեյտենանտ Գոլյամ Ալի Ռաշիդը և Իսլամական հեղափոխության պահապանների կորպուսի հրամանատար, գեներալ-լեյտենանտ Հոսեյն Սալամին զոհվել են Իսրայելի գիշերային հարձակման հետևանքով։ Այդ մասին նշվում է Իրանի ԶՈւ ԳՇ հայտարարության մեջ։

Statement No. 2 of General Staff of the Armed Forces of the Islamic Republic of Iran

In the Name of God, the Most Compassionate, the Most Merciful
"Among the believers are men who stayed true to their covenant with God; some fulfilled their vow with their lives, while others… pic.twitter.com/shkvlwhjoA

— Iran Military (@IRIran_Military) June 13, 2025

«Սիոնիստական ռեժիմի (նկատի ունեն Իսրայելին, խմբ.) կողմից ագրեսիվ հարձակման հետևանքով Իսլամական հեղափոխության պահապանների կորպուսի հրամանատար, գեներալ-լեյտենանտ Հոսեյն Սալամիի, Իրանի ԶՈւ ԳՇ պետ, գեներալ-լեյտենանտ Մոհամմադ Բաղերիի և Իրանի զինված ուժերի հակաօդային պաշտպանության ուժերի կենտրոնական շտաբի պետ, գեներալ-լեյտենանտ Գոլյամ Ալի Ռաշիդի, գիտնականների խմբի ու անմեղ կանանց ու երեխաների նահատակվելը ևս մեկ անգամ աշխարհին ցույց տվեց այդ չար ռեժիմի ահաբեկչական բնույթը»,- ասված է հայտարարության մեջ։

Գերատեսչությունում հավելել են, որ «այժմ, երբ Երուսաղեմը գրաված ահաբեկչական ռեժիմն անցել է բոլոր կարմիր գծերը, այդ հանցագործությանը պատասխանելու համար ոչ մի սահմանափակում չի մնացել, և աստվածային հատուցման ձեռքը կպատժի դաժան ահաբեկչական ռեժիմին ու նրա աջակիցներին»:

«Այս ագրեսիայի նահատակների անարդարացիորեն թափված արյան համար վրեժխնդրությունը մեր առաքելությունն է, որը զինված ուժերը համարում են իրենց խնդիրը, և նրանք կանգ չեն առնի, քանի դեռ այն չի իրագործվել»,- հավելել է Իրանի Գլխավոր շտաբը։

Լուսանկարը՝ Shutterstock Photo