ԱՄՆ նախագահ Դոնալդ Թրամփը մեկնաբանել է գիշերը իսրայելական զինված ուժերի կողմից Իրանի միջուկային ծրագրի հետ կապ ունեցող օբյեկտների վրա Իսրայելի հարձակումը՝ հայտարարելով, որ իր վարչակազմը նախկինի պես հավատարիմ է խնդիրների լուծման դիվանագիտական ճանապարհին։

Fox News-ին տված հարցազրույցում, որի մի մասը հրապարակել է հեռուստաընկերության լրագրող Ջենիֆեր Գրիֆինը, ԱՄՆ նախագահը նշել է.

«Իրանը չի կարող ատոմային ռումբ ունենալ, և մենք հույս ունենք, որ կվերադառնանք բանակցություններին։ Տեսնենք»,- հայտարարել է Թրամփը։ 

Exclusive: @BretBaier spoke to President Trump by phone tonight following start of airstrikes.
Here’s what he said:

President Trump was aware of the strikes beforehand. There were no surprises, but the US was NOT involved militarily and hopes Iran will return to the…

— Jennifer Griffin (@JenGriffinFNC) June 13, 2025

Նա հավելել է, որ Իրանի ղեկավար կազմի որոշ անդամներ «այլևս չեն վերադառնա»՝ ի նկատի ունենալով բարձրաստիճան այն զինվորականներին և միջուկային ծրագրին մասնակից գիտնականներին, որոնք սպանվել էին իսրայելական հարվածների հետևանքով։

Թրամփը նաև հայտնել է, որ նախապես իմացել է Իսրայելի պլանների մասին։ Ինչպես ընդգծել է նա, ԱՄՆ-ն սպասում է Իրանի պատասխան գործողություններին և պատրաստ է պաշտպանելու և՛ իրեն, և՛ Իսրայելին։

Լուսանկարը՝ Tasos Katopodis/Getty Images