Թուրքիայի արտաքին գործերի նախարար Հաքան Ֆիդանը ԱՄՆ պետքարտուղար Էնթոնի Բլինքենի հետ քննարկել է Հայաստանի և Ադրբեջանի միջև խաղաղության գործընթացը: Այդ մասին Х-ի իր միկրոբլոգում գրառում է արել թուրքական արտաքին քաղաքական գերատեսչության մամուլի քարտուղար Օնջու Քեչելին։

Dışişleri Bakanımız Hakan Fidan, ABD Dışişleri Bakanı Antony Blinken ile bu akşam (12 Kasım) bir telefon görüşmesi gerçekleştirdi.

Görüşmede, Gazze’deki son durum, Lübnan’daki gelişmeler ve Azerbaycan ile Ermenistan arasındaki barış sürecinde gelinen nokta ele alındı.

— Öncü Keçeli | Dışişleri Bakanlığı Sözcüsü (@SpoxTR_MFA) November 12, 2024

«Այսօր երեկոյան արտաքին գործերի նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ: Զրույցի ընթացքում քննարկվել են Գազայում տիրող իրավիճակը, Լիբանանում տեղի ունեցող իրադարձությունները և Ադրբեջանի ու Հայաստանի միջև խաղաղության գործընթացում առկա իրավիճակը»,- գրել է թուրք դիվանագետը։

Ամերիկյան կողմի տարածած հաղորդագրության մեջ էլ անուղղակիորեն է նշվում երկու երկրների արտաքին քաղաքական գերատեսչությունների ղեկավարների միջև հայ-ադրբեջանական հարաբերությունների կարգավորման քննարկումը։ 

«Պետքարտուղարն ու արտաքին գործերի նախարարը քննարկել են նաև Հարավային Կովկասում արժանապատիվ և հարատև խաղաղության հասնելու կարևորությունը»,- ասված է ամերիկյան կողմի հաղորդագրության մեջ։ 

Լուսանկարը՝ Anadolu գործակալության