ԱՄՆ-ն մի քանի ավիահարվածներ է հասցրել Սիրիայում «Իսլամական պետություն» ահաբեկչական խմբավորման ճամբարներին։ Այդ մասին հայտնել է ԱՄՆ զինված ուժերի կենտրոնական հրամանատարությունը (CENTCOM)։ 

«ԱՄՆ ԶՈՒ կենտրոնական հրամանատարությունը հոկտեմբերի 11-ի վաղ առավոտյան մի քանի ավիահարվածներ է հասցրել Սիրիայում ԻՊ-ի մի քանի ճամբարներին»,- ասված է CENTCOM-ի հոկտեմբերի 12-ի հայտարարության մեջ։

U.S. Central Command conducts airstrikes against multiple ISIS camps in Syria. pic.twitter.com/i8Nqn1K97p

— U.S. Central Command (@CENTCOM) October 12, 2024

Հայտարարության մեջ նշվում է, որ ավիահարվածներն ահաբեկչական խմբավորմանը կզրկեն ԱՄՆ-ի, նրա դաշնակիցների և գործընկերների, ինչպես նաև քաղաքացիական անձանց դեմ հարձակումներ պլանավորելու, կազմակերպելու և իրականացնելու հնարավորությունից։

Հրամանատարությունը հավելել է, որ հարվածների հետևանքով խաղաղ բնակչությունը չի տուժել։ 

Լուսանկարը՝ AP Photo