Եվրասիական տնտեսական միության որոշմամբ Հայաստանին 2024 թվականի համար հատկացվել էր 8000 էլեկտրոշարժիչով մեքենայի ներմուծման արտոնություն:

Այսինքն՝ այդ մեքենաները բերելու համար մաքսատուրքը 0% էր լինելու:

Նախատեսվում էր, որ 7400 հատի համար արտոնություն պիտի ստանային ֆիզիկական և իրավաբանական անձինք, իսկ 600 հատի արտոնությունը պահվել էր որպես ռեզերվ։

Սեպտեմբերի 16-ին մեծ մասն արդեն ներմուծվել էր, ընդ որում մոտ 70%-ը ֆիզիկական անձանց կողմից։

Իսկ այժմ, ըստ ՊԵԿ-ի՝ նախատեսված 7400 մեքենան արդեն ներմուծվել է։

Ուստի գործադիրն այսօր որոշեց, որ ռեզերվ պահած 600 մեքենայի համար նախատեսված արտոնությունն էլ պիտի բաշխի։ Նպատակն է մինչև տարեվերջ 0% մաքսազերծմամբ նախատեսված 8000 մեքենան ներմուծել։