Լիբանանում Իրանի դեսպան Մոջթաբա Ամանին վիրավորվել է կապի անձնական սարքի պայթյունի հետևանքով: Այդ մասին հայտնում է իրանական Mehr գործակալությունը։

Գործակալության տեղեկություններով՝ դեսպանն օգտագործել է փեյջեր։ Ինչպես նշում է իրանական գործակալությունը, Ամանիի վնասվածքները թեթև են, իսկ նրան տեղափոխել են Բեյրութի հիվանդանոցներից մեկը։ Լիբանանում Իրանի դեսպանությունը ևս հայտարարել է, որ դիվանագետի կյանքին վտանգ չի սպառնում։ 

Ավելի վաղ նշվել էր, որ Բեյրութի հարավային արվարձանում, որտեղ տեղակայված են Հեզբոլահի շտաբային գրասենյակները, կապի սարքավորումների պայթյունների հետևանքով հիվանդանոցներ են տեղափոխվել տասնյակ տուժածներ: Լիբանանի առողջապահության նախարարությունը հայտարարել էր երկրի բոլոր բուժհաստատությունների՝ բարձր պատրաստականության վիճակի բերման մասին, ինչը կապված էր վիրավորների մեծ թվի հետ։ 

Hospital in Beirut right now ‼️ https://t.co/kmmqB6Kl1L pic.twitter.com/IAYXHv4s7e

— Open Source Intel (@Osint613) September 17, 2024

Տեղեկություն են ստացվում Լիբանանի հարավից, այդ թվում՝ Էն Նաբաթիայից, Սայդայից և Տյուրոսից տուժածների մասին։ 

Al Jazeera հեռուստաընկերության աղբյուրը հայտնել է, որ Իսրայելի զինվորականներին հաջողվել է կոտրել Հեզբոլահի անվտանգության և խմբավորման անդամների հաղորդակցման համակարգերը։

Լուսանկարը՝ Reuters գործակալության