«Մենք կողմ ենք, որ Հայաստանը պետական սահման ունենա Ադրբեջանի հետ, բայց ոչ հատվածական»,- «Հետքի» հետ զրույցում ասում է «Բռունցքդ բեր» նախաձեռնության անդամ Նարեկ Այվազյանը։

Նրա կարծիքով, նոր զիջումներն ավելի կմոտեցնեն պատերազմը։ «Եթե մենք ճանաչում ենք այդ տարածքներն Ադրբեջանի մաս, լեգիտիմացնում ենք Ադրբեջանի հարձակումը»,- կարծում է նա։

«Բռունցքդ բեր» նախաձեռնությունը տևական ժամանակ է՝ ակցիաներ է իրականացնում ԱԺ-ի դիմաց։ Նրանց հիմնական պահանջը հատվածական սահմանազատման դադարեցումն է։