ՌԴ կառավարությունը հրաժարական է տվել Վլադիմիր Պուտինի՝ ՌԴ նախագահի պաշտոնը 5-րդ անգամ ստանձնելու կապակցությամբ: Համապատասխան հրամանագիրը ստորագրել է վարչապետ Միխայիլ Միշուստինը։

Օրենսդրության համաձայն՝ առաջիկա օրերին Պուտինը Պետդումա կներկայացնի նոր վարչապետի թեկնածությունը: Թե ով կլինի դա, դեռ պարզ չէ։ Պետդումայի նիստը, որտեղ հաստատվելու է վարչապետի թեկնածությունը, նախատեսված է մայիսի 10-ին:

Մինչև նոր վարչապետի հաստատումը նախորդ կառավարության ողջ կազմը պաշտոնակատարի կարգավիճակով կշարունակի իր աշխատանքը:

Պետդումայի կողմից հաստատվելուց հետո մեկ շաբաթվա ընթացքում նոր վարչապետը պետք է նախագահին առաջարկություններ ներկայացնի նոր կառավարության կառուցվածքի վերաբերյալ:

Медуза-ի տվյալներով՝ Միխայիլ Միշուստինը կպահպանի վարչապետի պաշտոնը։ Միևնույն ժամանակ, շարունակվում են լուրերն այն մասին, որ Միշուստինը կփոխարինվի նախագահի աշխատակազմի ղեկավարի տեղակալ Սերգեյ Կիրիենկոյով կամ Մոսկվայի քաղաքապետ Սերգեյ Սոբյանինով:

Լուսանկարը՝ ՌԴ կառավարության մամուլի ծառայության