Այսքանով «Հետք»-ն ավարտում է իր ուղիղ թարմացումը։ Մերձավոր Արևելքում իրավիճակի սրման վերաբերյալ մյուս նորությունները «Հետք»-ը կներկայացնի առանձին լուրերով։ Շնորհակալ ենք, որ մեզ հետ էիք։

04:35

Իրանը փաստացի ավարտել է Իսրայելի վրա իր հարձակումը։

04:26 

⚡Առաջիկա րոպեներին կմեկնարկի Բայդեն-Նեթանյահու հեռախոսազրույցը։ Քննարկման գլխավոր թեման լինելու է Իսրայելի հնարավոր պատասխանը իրանական հարձակմանը։

04:24

Բալիստիկ հրթիռի արձակումը Թավրիզից։

04:23

Սաուդյան Արաբիայի ԱԳՆ-ն հայտնել է, որ ինքը հետևում է տարածաշրջանում ռազմական էսկալացիային ու կողմերին կոչ անում զսպվածություն ցուցաբերել։

04:22

Այս պահին ընթանում է Իսրայելի պաշտպանության նախարար Յոավ Գալանտի հեռախոսազրույցը ԱՄՆ պաշտպանության նախարար Լլոյդ Օսթինի հետ։

04:20

⚡⚡⚡«Իսրայելի ձայն»-ը հայտնում է, որ այս րոպեներին Իսրայելի անվտանգության նախարարների կաբինետը հավանություն է տվել Իրանին հզոր պատասխան հասցնելու մասին որոշմանը։

04:14

Իսրայելի պաշտպանության բանակի պաշտոնական ներկայացուցիչ Դանիել Հագարին հայտարարել է, որ Իրանը Իսրայելի ուղղությամբ արձակել է ավելի քան 200 հրթիռ և անօդաչու, իսկ դրանց ճնշող մասը չեզոքացվել է։

04:12

Al Arabiya հեռուստաընկերությունը հայտնել է, որ իրանական մի քանի հրթիռ, որոնք Թեհրանն արձակել էր Իսրայելի մայրաքաղաքի ուղղությամբ, ընկել են Բաղդադից դեպի հարավ։

04:06

Իսրայելի պաշտպանության բանակի պաշտոնական ներկայացուցիչ Դանիել Հագարին հաստատել է Նեգև անապատում ավիաբազայի վրա հարձակման փաստը՝ նշելով, որ բազային հասցվել է «աննշան վնաս»։

04:00

Իրանական պետական IRNA գործակալությունը հայտնել է, որ Իրանը Նեգև անապատում գտնվող իսրայելական ավիաբազային հարվածել է «Խայբար» տեսակի բալիստիկ հրթիռներով։ 

03:58

ՄԱԿ-ի գլխավոր քարտուղարը դատապարտել է Իսրայելի վրա Իրանի հարձակումը՝ կոչ անելով անհապաղ դադարեցնել մարտական գործողությունները։

03:56

Sham FM-ը հայտնում է, որ սիրիական ՀՕՊ ուժերը Հոմս նահանգի երկնքում խոցել են մի քանի թիրախներ։

03:55

⚡Առաջիկայում սպասվում է Բենյամին Նեթանյահուի հեռախոսազրույցը Ջո Բայդենի հետ։

03:54

Kan ռադիոկայանը հայտնում է, որ Իսրայելը պատրաստվում է Իրանի հետ դիմակայության մի քանի օրվա։

03:53

Այս պահի դրությամբ հայտնի է իսրայելական կողմից միայն մեկ վիրավորի մասին։ Նա 10-ամյա տղա է բեդուինների ընտանիքից։

03:52

Իսրայելի վարչապետի խորհրդականներից մեկը հայտարարել է, որ իրանական բալիստիկ հրթիռներից մեկը խոցվել է Երուսաղեմի պատմական կենտրոնի վրա հարձակման փորձի ժամանակ։

03:51

Իսրայելական լրատվամիջոցները հայտնում են, որ այս պահի դրությամբ իրանական հարձակման միակ ուղիղ հարվածը գրանցվել է Ում էլ Ֆահմ քաղաքում, որտեղ բնակվում են արաբներ։

03:49

Իրանական հրթիռների խոցումը Հորդանան գետի արևմտյան ափին։

03:47

Իրանական բալիստիկ հրթիռներից մեկի բեկորն ընկել է Հորդանանի մայրաքաղաք Ամմանում։

Remnants of a ballistic missile shot down by Royal Jordanian Airforce in Amman pic.twitter.com/egrnSlgXfs

— TIMES OF GAZA (@Timesofgaza) April 13, 2024

03:44

ՄԱԿ-ում Իսրայելի ներկայացուցիչը հայտարարել է, որ Իրանը խախտել է ՄԱԿ-ի կանոնադրությունը և սպառնալիք է հանդիսանում խաղաղության և անվտանգության համար։

03:43

Ամերիկյան ABC հեռուստաընկերությունը, հղում անելով իր աղբյուրներին, հայտնել է, որ ընդհանուր առմամբ Իրանն Իսրայելի ուղղությամբ արձակել է մոտ 150 հրթիռ, որից 70-ը առաջին արձակման, իսկ 80-ը՝ երկրորդ։ 

03:42

Իրանի արտաքին գործերի նախարարությունը հայտարարել է, որ Թեհրանն անհրաժեշտության դեպքում ցանկացած զինված հարձակումից իր շահերի պաշտպանության համար լրացուցիչ միջոցներ կձեռնարկի։

03:40

⚡⚡Ջո Բայդենն ազգային անվտանգության թիմի հետ հանդիպումից հետո հայտարարել է իրանական հարձակումներից Իսրայելին պաշտպանելու հանձնառության մասին:

03:39

Պենտագոնում հայտարարել են, որ ամերիկյան ուժերը խոցում են իրանական անօդաչուներին ու պատրաստ են լրացուցիչ օգնություն տրամադրել Իսրայելին։

03:37

Նոր կադրեր Երուսաղեմից։ Առաջին պլանում Տաճարի լեռան վրա գտնվող Ժայռի գմբեթն է։

03:35

Իսրայելական լրատվամիջոցները, հղում անելով անվտանգության ծառայության իրենց աղբյուրներին, հայտնում են, որ չեզոքացվել է արձակված հրթիռների 99 %-ը։

03:32

Նոր կադրեր Իսրայելի վրա իրանական հարձակումից։

03:31

Ջո Բայդենը խորհրդակցություն է անցկացնում Վաշինգտոնում։

03:30

Ynet-ը հայտնում է, որ իրանական հարձակմանը Իսրայելի պատասխանը կլինի «նշանակալից և հզոր»։

03:28

Իրանական հրթիռի ընկնելը Նեգև անապատում։

03:27

Իրանական հրթիռները Իսրայելի խորհրդարանի երկնքում։

03:25

⚡Իսլամական հեղափոխության պահապանների կորպուսը հայտարարել է, որ ԱՄՆ-ն «Իրանի վրա հարձակմանը մասնակցելու պարագայում վճռական պատասխան կստանա Իսլամական հանրապետությունից»։ 

03:24

CNN հեռուստաընկերությունը, հղում անելով իր աղբյուրներին, հայտնում է, որ Իրանի կողմից արձակված անօդաչուներն ու հրթիռները այս պահի դրությամբ չեն կարողացել խոցել իրենց թիրախները։

03:22

Ynet-ը, հղում անելով Reuters գործակալությանը, հայտնում է, որ Հորդանանի ռազմաօդային ուժերը երկրի հյուսիսում և կենտրոնական հատվածում չեզոքացրել են տասնյակ անօդաչուներ։

03:19

Նոր կադրեր Իրանում ընթացող ակցիաներից։

03:17

Իրանը հրթիռների մի մասն արձակել է Արևելյան Ադրբեջան նահանգից։

03:15

Մերձավոր Արևելքի երկինքն այս պահին։ Այն գրեթե դատարկ է։

03:12

Al Arabiya-ն հայտնում է, որ պայթյունների ձայներ են լսվում Իրաքյան Քուրդիստանի մայրաքաղաք Էրբիլում։

03:10

Իրանական IRNA գործակալությունը կադրեր է հրապարակել իրանական մի շարք քաղաքներում ընթացող աջակցության հավաքներից։

03:09

Իսլամական հեղափոխության պահապանների կորպուսն իր տելեգրամյան ալիքում պնդում է, որ իրանական հրթիռները հասել են Իսրայելի տարածք։ Այլ մանրամասները չեն նշվում։

03:07

NBC-ի թղթակիցը հայտնում է, որ Երուսաղեմում իրավիճակը հանդարտվել է։

03:06

Al Watan պարբերականը, հղում անելով Սիրիայի զինված ուժերի հրամանատարության ներկայացուցչին, հայտնել է, որ սիրիական ՀՕՊ միջոցները հետ են մղում Դամասկոսի միջազգային օդանավակայանի ուղղությամբ իսրայելական հարձակումը։

03:03

Օդային տագնապի ազդանշանները հնչում են Իսրայելի հյուսիսում, կենտրոնում և հարավում։

03:01

Մեծ Բրիտանիայի թագավորական ռազմաօդային ուժերը նոր կործանիչներ են ուղարկում Մերձավոր Արևելք։ 

03:00

Համացանցում հրապարակվում են իսրայելական ՀՕՊ համակարգերի աշխատանքը։ Արդյոք սրանք իրական են, թե ոչ, «Հետք»-ը այս պահին չի կարող հաստատել։

02:58

Մեծ Բրիտանիայի պաշտպանության նախարարությունը հայտարարել է, որ Մերձավոր Արևելքում թագավորական ռազմաօդային ուժերի կործանիչները կխոցեն Իրանի կողմից արձակված անօդաչուներն ու հրթիռները։

02:56

Al Arabiya հեռուստաընկերությունը հայտնում է, որ Հորդանանի ՀՕՊ ուժերը խոցում են Իրանի կողմից արձակված հրթիռները։

02:54

Բեն Գուրիոն օդանակավակայանի աշխատանքների դադարեցումից հետո, Իսրայելի գլխավոր օդանավակայանը դատարկվել է։

02:53

Իսրայելի 9-րդ հեռուստաալիքը հայտնում է, որ Երուսաղեմի երկնքում պայթյուններ են լսվում։ Հավանաբար, գործում է իսրայելական ՀՕՊ համակարգը։

02:51

Իսրայելի պաշտպանության բանակը հայտարարել է, որ Հեզբոլահի հարվածների հետևանքով տուժածներ չկան։

02:50

Իրանն անօդաչուների նոր խմբաքանակ է արձակել։

02:47

⚡⚡Երուսաղեմում ևս հնչում են օդային տագնապի ազդանշաններ։

02:46

Ներկայացուցիչների պալատում հանրապետականների առաջնորդը հայտարարել է, որ հաջորդ շաբաթ Ներկայացուցիչների պալատը կքննարկի Իսրայելին օգնության մասին և Իրանին պատասխանատվության ենթարկելու մասին նախագծերը։

02:43

⚡Օդային տագնապի ազդանշաններ են հնչում Նեգև անապատի կենտրոնում ու հարավում, Բեեր Շևայում և Կարմիր ծովի ափին գտնվող Էյլաթ քաղաքում։ 

02:42

⚡⚡⚡Իսրայելի պաշտպանական բանակը պաշտոնապես հայտարարեց Իսրայելի ուղղությամբ բալիստիկ հրթիռների արձակման մասին։

02:40

Իսրայելի բանակային ռադիոն հայտնել է, որ Իրանի կողմից բալիստիկ հրթիռների արձակում դեռևս չի հայտնաբերվել։

גורמים ישראלים: בשלב זה אין אינדקציה לשיגור טילים בליסטיים@Segev_Yuval https://t.co/qDCQhWOUiS

— גלצ (@GLZRadio) April 13, 2024

02:39

Իրանական երիտասարդությունը հավաքվել է Թեհրանի համալսարանի մոտ՝ ի աջակցություն Իսրայելի վրա Իրանի հարձակման։

02:36

The Times of Israel-ը, հղում անելով Իսրայելի պաշտպանական գերատեսչության ներկայացուցչին, գրում է, որ ավելի քան 100 անօդաչու չեզոքացվել է ԱՄՆ-ի, Մեծ Բրիտանիայի և Իսրայելի կողմից։

02:34

⚡⚡⚡ Իսրայելի պաշտպանության բանակը դեռևս չի հաստատում Իսրայելի ուղղությամբ Իրանի կողմից բալիստիկ հրթիռների արձակումը, փոխարենը դա պնդում է իրանական պետական IRNA գործակալությունը։

Iranian state news reporting that ballistic missiles have been launched at Israel. pic.twitter.com/hWndlZVqzv

— OSINTtechnical (@Osinttechnical) April 13, 2024

02:32

⚡CNN-ը գրում է, որ այս րոպեներին ընթանում է համաշխարհային պատմության մեջ անօդաչուների ամենազանգվածային հարձակումը։

02:30

⚡⚡⚡Fars գործակալությունը հայտնում է, որ Իրանը կարող է հարվածել Հորդանանին, եթե վերջինս խոչընդոտի Իսրայելի վրա հարձակմանը։

02:29

ABC-ն հայտնում է, որ ամերիկյան ուժերը խոցել են իրանական մի քանի անօդաչու, որոնք շարժվում էին Իսրայելի ուղղությամբ։

02:24

Եմենից Իսրայելի տարածքի ուղղությամբ արձակվել են բալիստիկ հրթիռներ. Իսլամական հեղափոխության պահապանների կորպուսին մոտ կանգնած տելեգրամյան ալիք

02:23

Ջո Բայդենը Սպիտակ տանն անց է կացնում ազգային անվտանգության թիմի հետ խորհրդակցություն։ Այդ մասին հայտնում է CNN-ը՝ հղում անելով ԱՄՆ վարչակազմի իր աղբյուրին։

02:22

Իսրայելի բանակը Գոլանի բարձունքների, Էյլաթի և Նեգևի շրջաններից մեկի բնակիչներին կոչ է արել տեղափոխվել ռմբապաստարաններ։

02:19

ՄԱԿ-ում Իրանի մշտական ներկայացուցչությունը հայտարարել է, որ այս լարվածությունը Թեհրանի և Թել Ավիվի միջև է, իսկ «ԱՄՆ-ն պետք է հեռու մնա»։ Բացի այդ, իրանական կողմը նաև հայտնել է, որ Իսրայելի նկատմամբ հարվածն Իրանի համար ինքնապաշտպանական քայլ է։

Conducted on the strength of Article 51 of the UN Charter pertaining to legitimate defense, Iran’s military action was in response to the Zionist regime’s aggression against our diplomatic premises in Damascus. The matter can be deemed concluded. However, should the Israeli…

— Permanent Mission of I.R.Iran to UN, NY (@Iran_UN) April 13, 2024

02:17

ԵՄ արտաքին քաղաքական ծառայության ղեկավար Ժոզեպ Բորելը հայտարարել է, որ Եվրամիությունը դատապարտում է Իսրայելի վրա Իրանի հարձակումը։

02:15

🇺🇸🇮🇱🇮🇷 The New York Times-ը, հղում անելով իսրայելցի պաշտոնյաներին, գրում է, որ իսրայելական հետախուզությունը ակնկալում է, որ իրանական հարվածների թիրախ կդառնան Գոլանի բարձունքները և Նեգև անապատում Իսրայելի ռազմաօդային ուժերի բազաներից մեկը։

02:13

⚡ԱՄՆ Պետքարտուղարությունը Կատարի միջոցով Իրանին տեղեկացրել է հարձակման անհապաղ դադարեցման անհրաժեշտության մասին, ինչին Իրանը բացասական է պատասխանել։

02:12

Եգիպտոսի ԱԳՆ-ն հայտարարել է, որ կապի մեջ է ընթացիկ սրման բոլոր կողմերի հետ և փորձում է զսպել իրավիճակը։

02:10

Հեզբոլահը տասնյակ հրթիռներ է արձակել Իսրայելի տարածքի ուղղությամբ։

02:09

Հորդանանը հերքում է արտակարգ դրություն հայտարարելու մասին պնդումները։

Jordan gov't spokesman denies Kingdom announced a state of emergency, says media reports 'baseless' - Reuters

— Idrees Ali (@idreesali114) April 13, 2024

02:08

The Telegraph-ը հրապարակել է հնարավոր թիրախների ցանկը, որոնց կարող է հարվածել Իրանը։ Դրանց թվում են ավիաբազաները, օդակայանները, ռազմածովային բազաներն ու վարչապետ Նեթանյահուի նստավայրը։

02:07

Մի քանի հարյուր անօդաչուներ Հորդանանի երկնքում են և շարժվում են Իսրայելի ուղղությամբ։

02:06

Իսրայելական պաշտպանական կառույցներում ABC News-ի աղբյուրը հայտնել է, որ Իրանի հարվածների թիրախում են միայն ռազմական օբյեկտները։ Իրանը չի հարվածում քաղաքացիական օբյեկտներին։

02:05

⚡Իրանն Իսրայելի վրա հարձակումն անվանել է «Կատարված խոստում» ռազմագործողություն։

02:03

Իրանական լրատվամիջոցները բալիստիկ հրթիռների և անօդաչուների կադրեր են հրապարակել, որոնք ենթադրաբար օգտագործվում են Իսրայելի վրա հարձակման ժամանակ։

02:01

Իսրայելը կփորձի խոցել իր տարածքի ուղղությամբ շարժվող անօդաչուները մինչ այն պահը, երբ դրանք կհասնեն Իսրայելի օդային տարածք։ Այդ մասին հայտնում է CNN-ը՝ հղում անելով իր աղբյուրներին։

02:00

Al Arabiya-ն հայտնում է, որ Իսրայելի ուղղությամբ շարժվող իրանական անօդաչուների մի մասը գտնվում է Դամասկոսի երկնքում։

01:57

Լիբանանում քաղաքացիները տոնում են Իսրայելի վրա Իրանի հարձակումը։

Beirut suburbs,now pic.twitter.com/BI4jKGZgZG

— S p r i n t e r F a c t o r y (@Sprinterfactory) April 13, 2024

01:54

🇪🇬 Եգիպտոսը հայտնել է, որ կխոցի ցանկացած անօդաչու, որը կանցնի իր երկրի օդային տարածքով։

01:50

Դոնալդ Թրամփը շարունակում է իր քարոզարշավը։

«Իսրայելը հարձակման տակ է։ Սա երբեք չպետք է թույլ տրվեր։ Դա ԵՐԲԵՔ չէր լինի, եթե ես նախագահ լինեի»։

Donald Trump:

İsrail saldırı altında, Bunun olmasına asla izin verilmemeliydi ve eğer ben başkan olsaydım böyle birşey asla olmazdı. pic.twitter.com/LSGp9IBjId

— Kıbrıs Postası (@kibris_postasi) April 13, 2024

01:48

Ֆրանսիան դատապարտում է Իսրայելի վրա Իրանի հարձակումը։

01:47

⚡⚡Իրանական բալիստիկ հրթիռներն արձակվել են Իրանի տարածքից։

01:46

«Իրանը միջազգային հանրությանն ու Իսրայելին հնարավորություն էր տվել դադարեցնելու պատերազմը Գազայի հատվածում, և այդ հնարավորության ժամկետը լրացել է». Իրանի բանակի գլխավոր հրամանատար Մուսավի

01:45

Ջո Բայդենի վարչակազմը պատրաստվում է Իսրայելի վրա Իրանի «խոշոր հարձակմանը», որի թիրախ կլինեն կառավարության օբյեկտները։ Այդ մասին հայտնել է ամերիկյան NBC հեռուստաընկերությունը՝ հղում անելով ամերիկացի պաշտոնյաներին։

01:41

⚡️Մեծ Բրիտանիան դատապարտում է Իսրայելի վրա Իրանի հարձակումը. վարչապետ Ռիշի Սունաք

01:38

Ջո Բայդենը ժամանել է Սպիտակ տուն։

01:36

⚡Ենթադրաբար հրթիռների արձակումը Թեհրանի արվարձաններից մեկից։

01:32

Իսրայելի պաշտպանության բանակը հայտնում է, որ երկրի հյուսիսում հայտարարվել է օդային տագնապի ազդանշան։

01:31

Reuters գործակալությունը հայտնում է, որ հութիները Եմենի տարածքից մի քանի անօդաչու են արձակել Իսրայելի ուղղությամբ։

01:30 

Ռուսաստանը ժամանակավորապես դադարեցրել է դեպի Իսրայել, Իրաք և Հորդանան թռիչքները։

01:29

Flydubai ավիաընկերությունը փոփոխություններ է անում իր թռիչքների ժամանակացույցում։

01:28

Ամերիկյան ABC-ն, հղում անելով իր աղբյուրներին, հայտնում է, որ իրանական հարձակմանը մասնակցում է 400-500 անօդաչու, որոնք հիմնականում արձակվել են Իրանի տարածքից։

01:25

Մերձավոր Արևելքի երկինքն այս պահին։

01:24

Իրանի բանակային ռադիոն հայտնում է՝ Իսրայելն ակնկալում է, որ արձակումներ կլինեն նաև Եմենի տարածքից։

גורמי ביטחון מעריכים: שיגורים יתבצעו גם משטח תימן@Doron_Kadosh https://t.co/jJZwaZkUmy

— גלצ (@GLZRadio) April 13, 2024

01:22

Եգիպտոսը ևս փակեց իր օդային տարածքը։

01:21

Լիբանանը ևս փակել է իր օդային տարածքը։

01:20

Իսրայելի վարչապետ Բենյամին Նեթանյահուն Թել Ավիվում է, և խորհրդակցությունն ընթանում է Պաշտպանության նախարարության շենքերից մեկում։

01:19

Ռոսավիացիան ռուսական ավիաընկերություններին արգելել է օգտագործել Իրաքի ու Իսրայելի օդային տարածքները։

01:19

Պենտագոնը տեղյակ է Իրանի կողմից Իսրայելի ուղղությամբ անօդաչուների արձակման մասին, սակայն դեռևս չի մեկնաբանում դեպքերի ընթացքը։ Այդ մասին ռուսական TACC գործակալությանը հայտնել են ամերիկյան պաշտպանական գերատեսչությունից։

01:18

⚡Իսրայելում հնչում են օդային տագնապի ազդանշաններ։

Նշվում է, որ հարձակմանը մասնակցում է ավելի քան 230 անօդաչու, որոնց մի մասը, ըստ Իսրայելի 12-րդ ալիքի, արդեն իսկ խոցվել են Սիրիայի ու Հորդանանի երկնքում։

01:17

Լիբանանը փակեց Բեյրութի միջազգային օդանավակայանը։

01:16

⚡Ջո Բայդենը հանդես կգա ուղերձով։

01:11

Իրանի պաշտպանության նախարարությունը X-ի իր միկրոբլոգում տեղադրել է Ղուրանից մի հատված, որտեղ նշվում է հաղթանակի մոտենալու մասին։

إِذَا جَاءَ نَصْرُ اللَّهِ وَالْفَتْحُ...

— وزارت دفاع و پشتیبانی نیروهای مسلح (@Defanews_ir) April 13, 2024

01:10

Իսրայելի ղեկավար կազմը խորհրդակցություն է անցկացնում բունկերում։

01:08

Հորդանանն իր օդային սահմանը բացել է Իսրայելի ռազմաօդային ուժերի կործանիչների համար։ Ամերիկյան ավիացիայի հետ միասին դրանք չեզոքացնում են իրանական անօդաչուները։

01:07

⚡Իրանն Իսրայելի ուղղությամբ արձակել է անօդաչուների երրորդ ալիքը։

01:06

Մեծ թվով անօդաչուներ նկատվել են Իրաքի Նաջաֆ քաղաքի երկնքում։

01:04

Իրանի ԱԳ նախարար Հոսեյն Ամիր Աբդոլահյանը հեռախոսազրույցներ է ունեցել Բելգիայի, Նիդերլանդների և Կիպրոսի արտաքին գործերի նախարարների հետ։ Համաձայն իրանական կողմի հաղորդագրության՝ հեռախոսազրույցի ընթացքում իրանցի պաշտոնյան միջնորդների միջոցով Միացյալ Նահանգներին փոխանցել է «անհրաժեշտ նախազգուշացումները»։

01:01

Իրանի պաշտպանության նախարարը հայտարարել է, որ ցանկացած երկիր, որն Իսրայելի համար իր օդային տարածքը կբացի Իրանի դեմ հարձակման համար, կստանա վճռական պատասխան։

00:58

«Չարիքի ռեժիմը կպատժվի»,- Իրանի գերագույն առաջնորդ Ալի Խամենեին գրառում է արել X-ի իր միկրոբլոգում։

رژیم خبیث تنبیه خواهد شد pic.twitter.com/yYwz3nTal3

— KHAMENEI.IR | فارسی 🇮🇷 (@Khamenei_fa) April 13, 2024

00:56

⚡ԱՄՆ-ի հետ խորհրդակցություններից հետո Իսրայելը կհարվածի իրանական օբյեկտներին։

00:55

Իսրայելի բանակը հայտնել է Լիբանանի հարավում Հեզբոլահի օբյեկտներին հարվածներ հասցնելու մասին։ Հիշեցնենք, որ Հեզբոլահը ևս իսրայելական կողմի ուղղությամբ արձակել էր անօդաչուներ։

00:53

Հորդանանը հայտարարել է արտակարգ դրություն։

00:52

ԱՄՆ ազգային անվտանգության խորհրդի ռազմավարական հաղորդակցությունների հարցերով համակարգող Ջոն Քիրբին հայտարարել է, որ իրանական հարձակումը, հավանաբար, կշարունակվի մի քանի ժամ։

00:51

⚡Իսրայելցի պաշտոնյաները հայտարարում են, որ Իրանն արձակել է նաև թևավոր հրթիռներ։

00:49

Համացանցում տեսանյութեր են տարածվում, որտեղ, ինչպես նշվում է, լսվում են դեպի Իսրայել շարժվող իրանական անօդաչուների ձայները։ Թե արդյոք սրանք իրանական անօդաչուներն են, «Հետք»-ը այս պահին չի կարող հաստատել։

00:48

⚡⚡⚡Իսրայելը ԱՄՆ-ին հայտնել է, որ մտադիր է պատասխան հարված հասցնել Իրանին։

00:46

Արաբական լրատվամիջոցները հայտնում են, որ ԱՄՆ ռազմաօդային ուժերի կործանիչները գտնվում են Իրաքի և Հորդանանի երկնքում՝ իրանական անօդաչուներին խոցելու համար։

00:43

ԱՄՆ նախագահ Ջո Բայդենը ընդհատել է Դելավերում իր հանգիստը և մեկնել է Վաշինգտոն։ 

CNN: Biden departed the beach "moments ago," just as Iran began its attacks on Israel.

Yesterday, Biden said he expected an Iranian attack "sooner [rather] than later" — but left for the beach anyway. pic.twitter.com/xpsjLVP03P

— RNC Research (@RNCResearch) April 13, 2024

00:42

⚡⚡FARS գործակալությունը հայտնում է, որ Իրանը հաստատել է անօդաչուների հարձակումը և ազդարարել շուտով Իսրայելի ուղղությամբ հրթիռների արձակման մասին։

00:40

Al-Mayadeen-ը գրում է, որ Հարավային Լիբանանից Իսրայելի ուղղությամբ իրականացվում է զանգվածային հրթիռակոծություն։

00:37

⚡Ամերիկյան USS Dwight Eisenhower ատոմային ավիակիրը շարժվում է Իսրայելի ուղղությամբ։

Դրա կազմում կա 90 ինքնաթիռ և ուղղաթիռ, հրթիռային սպառազինություն, RIM-7 Sea Sparrow տեսակի ՀՕՊ համակարգեր։ Ավիակրին ուղեկցում են 2 հրթիռային հածանավ և 4 հրթիռային էսկադրային ականակիր։

00:35

⚡️Fars գործակալությունը փոխանցում է, որ իրանական անօդաչուները սկսել են հատել Իրաքի օդային սահմանը և մոտեցել են Սիրիային ու Հորդանանին։

00:32

Մերձավոր Արևելքի երկինքն այս պահին։

00:30

Արաբական Al Arabiya հեռուստաընկերությունը հայտնում է, որ Իրանը Իսրայելի ուղղությամբ անօդաչուներն արձակել է Քերմանշահից և երկրի արևմտյան այլ նահանգներից։ 

00:29

Հայֆայի մունիցիպալիտետը հայտարարել է արտակարգ դրության մասին։

00:26

Սպիտակ տան մամուլի ծառայությունը հայտնել է, որ Ջո Բայդենը Սպիտակ տանը խորհրդակցություն կանցկացնի Մերձավոր Արևելքում իրավիճակի սրման վերաբերյալ։ Խորհրդակցությանը կմասնակցեն պետքարտուղար Էնթոնի Բլինքենը, ազգային անվտանգության հարցերով խորհրդական Ջեյք Սալիվանը և Պենտագոնի ղեկավար Լլոյդ Օսթինը։ 

00:25

Թուրքիան ևս միացավ այն երկրների շարքին, որոնք փակում են իրենց օդային սահմանը։

00:24

Իրաքը ևս փակեց իր օդային տարածքը։

00:20

«Մեր պաշտպանական համակարգերը տեղակայված են, և մենք պատրաստ ենք ցանկացած սցենարի՝ թե՛ պաշտպանության, թե՛ հարձակման». Բենյամին Նեթանյահու։

00:19

Իսրայելի պաշտպանության բանակի պաշտոնական ներկայացուցիչ Դանիել Հագարին հայտարարել է, որ երկրի առանձին հատվածներում անջատվել է GPS-ը։

00:17

Իսրայելական Ynet-ը գրում է, որ Իրանը պատմության մեջ առաջին անգամ ուղիղ հարձակում է իրականացրել Իսրայելի նկատմամբ։

00:16

⚡️Իրանական տելեգրամյան ալիքները հայտնում են, որ Թեհրանի միջազգային օդանավակայանը ժամանակավորապես դադարեցրել է իր գործունեությունը։

00:14

Իսրայելի օդային սահմանը փակ կլինի մինչև տեղի ժամանակով առավոտյան 07:00-ն (Երևանի ժամանակով՝ 08:00-ն)։

00:13

Իսլամական հեղափոխության պահապանների կորպուսին մոտ կանգնած տելեգրամյան ալիքը հայտնել է, որ Թեհրանն Իսրայելի ուղղությամբ արձակել է Shahed-136 տեսակի 50 անօդաչու։

00:11

Եմենը ևս փակում է իր օդային տարածքը։

00:10

Իսրայելը և Հորդանանը փակել են իրենց օդային տարածքները։

00:08

⚡️⚡️⚡️ Իսրայելի պաշտպանության բանակի ներկայացուցիչը հաստատել է, որ իրանական անօդաչուները շարժվում են Իսրայելի ուղղությամբ։ Ըստ նրա՝ անօդաչուներն Իսրայելին կհասնեն առնվազն 2 ժամ անց։

00:05

Իսրայելի վարչապետ Բենյամին Նեթանյահուն կոչով դիմել է Իսրայելի քաղաքացիներին։ Նա հայտարարել է, որ Իսրայելը պատրաստ է իրադարձությունների զարգացման բոլոր սցենարներին։

In recent years, and especially in recent weeks, Israel has been preparing for a direct attack by Iran.

Our defensive systems are deployed; we are ready for any scenario, both defensively and offensively. The State of Israel is strong. The IDF is strong. The public is strong. pic.twitter.com/ykeItV7ZRi

— Prime Minister of Israel (@IsraeliPM) April 13, 2024

00:01

Իրանը տասնյակ անօդաչուներ է արձակել Իսրայելի ուղղությամբ։ Այդ մասին հայտարարել է իսրայելական Kan ռադիոկայանը։ Իսրայելի պաշտպանության բանակը ևս հաստատում է, որ տասնյակ անօդաչուներ Իրաքի տարածքով շարժվում են Իսրայելի ուղղությամբ։

Լուսանկարը՝ AFP-ի