Տեսանյութեր
Լուսանկարներ
Լիտվայի ԱԳՆ-ն իր քաղաքացիներին կոչ է արել չայցելել այն երկրներ, որտեղ կարող են ռուսաստանցիներ լինել. այդ ցանկում է նաև Հայաստանը
Լիտվայի ԱԳՆ կանցլեր Ինգա Չերնյուկը Լիտվայի քաղաքացիներին կոչ է արել հանգստի չմեկնել այն երկրներ, որտեղ կարելի է շատ ռուսաստանցիների հանդիպել: Այդ մասին հայտնում է Լիտվայի ազգային հեռուստառադիոընկերությունը։
Նման խորհրդի հիմնավորումը հնարավոր կոնֆլիկտներն են՝ կապված Ուկրաինայում տեղի ունեցող իրադարձությունների շուրջ տարբեր տեսակետների հետ։ Չերնյուկը Լիտվայի քաղաքացիներին կոչ է արել արտագնա տուրիզմի համար ընտրել եվրոպական ուղղությունները։ Իսկ այն երկրներից, որոնք «արժեքները այլ կերպ են տեսնում կամ ինչ-որ գորշ գոտում են», ավելի լավ է խուսափել։
Լիտվայի կանցլերի կարծիքով՝ «ոչ հուսալի» երկրների ցանկում են հայտնվել Եգիպտոսը, Թուրքիան, Թայլանդը, Մոլդովան, Հայաստանն ու Վրաստանը:
«Այս երկրներ ճանապարհորդելիս պետք է հիշել հասարակության մեջ բևեռացման հետ կապված լրացուցիչ ռիսկը։ Այդ երկրները պարտադիր չէ, որ կիսեն մեր արժեքները»,- հայտարարել է Չերնյուկը։
Կանցլերը Լիտվայի քաղաքացիներին զգուշացրել է, որ Ուկրաինայում իրադարձությունների վերաբերյալ իրենց տեսակետի ակտիվ արտահայտումը կարող է հանգեցնել լուրջ խնդիրների, իսկ զբոսաշրջիկները հնարավոր է հյուպատոսական օգնության կարիք ունենան։
Լուսանկարը՝ RossHelen/Shutterstock
Մեկնաբանել