Արցախից բռնի տեղահանված 100-ից ավելի մարդկանց համար Մանկավարժական համալսարանի ուսումնական բազան, որը գտնվում է Աղավնաձոր գյուղում, դարձել է ժամանակավոր կացարան։ 

Սկզբում Աշխատանքի և սոցիալական հարցերի նախարարությունը այս շենքում տեղավորել էր 150-ից ավելի տեղահանված տարեցների ու հոգեկան առողջության խնդիրներ ունեցող մարդկանց։ Ժամանակի ընթացքում նրանց տեղափոխել են Հայաստանի տարբեր հոգեբուժարաններ և տարեցների խնամքի կենտրոններ։

Ներկայում այստեղ բնակվող մարդկանցից ոմանք գնալու տեղ չունեն։