ԱՄՆ-ը ՅՈւՆԵՍԿՕ-ին տեղեկացրել է կազմակերպությանն իր անդամակցության վերականգնման որոշման մասին։ Այդ մասին գրում է Axios-ը՝ հղում անելով Պետքարտուղարության ներկայացուցչին։

Պարբերականի տվյալներով՝ ԱՄՆ-ը մտադիր է վերականգնել կազմակերպության անդամի իր կարգավիճակը գրեթե 6 տարի անց այն բանից հետո, երբ նախկին նախագահ Դոնալդ Թրամփը հայտարարեց դրա դադարեցման մասին։

ԱՄՆ պետքարտուղարի տեղակալ Ռիչարդ Վերման նամակ է փոխանցել կազմակերպության գլխավոր տնօրեն Օդրի Ազուլեին, որտեղ ներկայացված է կազմակերպությանն ԱՄՆ վերադարձի պլանը։

Պարբերականը նշում է, որ այս քայլով նախագահ Ջո Բայդենը փորձում է հակազդել ՅՈւՆԵՍԿՕ-ում Չինաստանի աճող ազդեցությանը։

Լուսանկարը՝ Christophe Petit Tesson—EPA/REX/Shutterstock