Բնակավայրերի ուղղությամբ կրակոցներ չկան, տարհանման անհրաժեշտություն նույնպես չկա։ Այս մասին «Հետք»-ին հայտնեց Վարդենիս համայնքի ղեկավարի մամուլի քարտուղար Էդգար Պետոսյանը։

Նա նշեց, որ իրավիճակը լարված է, հակառակորդն ականանետերից է կրակում Սոթքի և Կութի հայկական դիրքերի ուղղությամբ։

Քիչ առաջ ՊՆ-ն հաղորդեց՝ ժամը 21:00-ի դրությամբ հակառակորդի կրակի ինտենսիվությունը Սոթքի և Կութի հատվածում տեղակայված հայկական դիրքերի ուղղությամբ էականորեն նվազել է: 

Հիշեցնենք, որ մայիսի 11-ին վաղ առավոտից ադրբեջանական զինուժը հրետանային և ականանետային միջոցներից կրակ է բացել Սոթքի հայկական դիրքերի ուղղությամբ: Մինչ այժմ ՊՆ-ն հայտնել է 6 վիրավորի մասին։

Լուսանկարում՝ Սոթք բնակավայրը