13 ժամ շարունակ փակ է Արցախն աշխարհին կապող միակ ճանապարհը։ Այս մասին հայտնում է Արցախի ՆԳՆ ոստիկանությունը։

Նշվում է, որ հարյուրավոր քաղաքացիներ, այդ թվում`անչափահասներ, չեն կարողանում տուն վերադառնալ, նրանց մի մասը ժամանակավոր մնացել է Սյունիքի մարզում։

Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։

Իրավիճակի զարգացումների վերաբերյալ ՆԳ նախարարությունը կտրամադրի լրացուցիչ տեղեկություն։

Հիշեցնենք, որ այսօր առավոտյան մի խումբ ադրբեջանցիներ, բնապահպանական պատճառաբանություններով, ժամը 10:30-ի հատվածում փակել են Ստեփանակերտ-Գորիս մայրուղու Շուշի-Քարին տակ հատվածը։