Կառավարությունը ԿԳՄՍ նախարարությանը 1 մլրդ 933 մլն 373 հազար դրամ կտրամադրի 96 դպրոցի շենքային պայմանների բարելավման և գույքայիn հագեցվածությունն ապահովելու նպատակով։

Դպրոցներից 15-ը Արագածոտնի մարզում են, 7-ը՝ Արարատի մարզում, 13-ը՝ Արմավիրի մարզում, 6-ը՝ Գեղարքունիքի մարզում, 17-ը՝ Լոռու մարզում, 6-ը՝ Կոտայքի մարզում, 21-ը՝ Շիրակի մարզում և 11-ը՝ Տավուշի մարզում։ Գումարները հատկացվում են դպրոցների մասնակի նորոգման համար, մասնավորապես․

• 20 դպրոցում կիրականացվեն ջեռուցման համակարգի կառուցման աշխատանքներ,
• 12 դպրոցում կիրականացվեն տանիքի նորոգման աշխատանքներ,
• 33 դպրոցում կփոխարինվեն պատուհանները և դռները, կիրականացվեն դասասենյակների ներքին հարդարման աշխատանքներ,
• 9 դպրոցում կիրականացվեն սանհանգույցների նորոգման աշխատանքներ,
• 3 դպրոցում կիրականացվեն ֆոտովոլտային համակարգի կառուցման աշխատանքներ,
• 19 դպրոցում կիրականացվեն մարզադահլիճի կամ ճաշարանի նորոգման կամ բակի բարեկարգման աշխատանքներ:

Գույքով կապահովվի 101 դպրոց։

ԿԳՄՍ նախարար Վահրամ Դումանյանը հարցը զեկուցելիս նշեց, որ բացի այս՝ չզեկուցվող հարցերով գումար են հատկացրել նաև 8 մանկապարտեզի նորոգման համար։