Սեպտեմբերի 5-ի առավոտյան Աֆղանստանի մայրաքաղաք Քաբուլում տեղակայված ՌԴ դեսպանության դարպասների մոտ պայթյուն է տեղի ունեցել։ Լրատվամիջոցների փոխանցմամբ՝ մահապարտ ահաբեկիչը գործի է դրել պայթուցիկ սարքը։ Այդ ժամանակ դեսպանության մոտ հերթ էր գոյացել վիզայի ստացման համար։

تازه - څو شېبې مخکې د کابل ښار د درېیمې ناحیې اړوند د دارالامان پر سړک د چاودنې غږ واورېدل شو.
تر اوسه امنیتي ارګانونو د چاودنې د بڼې، مرګ او ژوبلې په اړه څه ندي ویلي.
بشپړجزئیات به وروسته خپاره شي.#ATNNews #Kabul #Blast pic.twitter.com/3SYrmPzYxz

— Ariana News (@ArianaNews_) September 5, 2022

Աֆղանական ոստիկանությունը հայտարարել է, որ հանցագործին բացահայտել և գնդակահարել են դեսպանության անվտանգության զինված աշխատակիցները, երբ վերջինս մոտենում էր դարպասներին։

РИА Новости-ի աղբյուրը հայտնում է, որ պայթյունի պահին փողոց էր դուրս եկել ռուսաստանցի դիվանագետը, որպեսզի հայտնի վիզայի ստացման թեկնածուների անունները։ Նախնական տվյալներով՝ զոհվել կամ էլ տուժել է 15-ից մինչև 20 մարդ։ Al Jazeera-ն հայտնում է առնվազն 8 զոհի մասին։

Տեղական լրատվամիջոցները պնդում են, որ զոհվել է ռուսաստանցի առնվազն երկու դիվանագետ, սակայն РИА Новости-ի աղբյուրը պատմել էր ռուսաստանցի երկու տուժածների մասին, որոնցից մեկը դիվանագետ է, իսկ մյուսը՝ անվտանգության աշխատակից։ Ավելի ուշ, ՌԴ ԱԳՆ-ն հաստատել է երկու դիվանագետի մահվան փաստը։

Լուսանկարը՝ AFP-ի