Աշխատանքի և սոցիալական հարցերի նախարարությանը ՅՈՒՆԻՍԵՖ-ի հայաստանյան գրասենյակից կընդունի 183 մլն դրամի չափով նվիրաբերություն՝ սոցիալական աջակցության տրամադրման նպատակով: Կառավարությունը դեկտեմբերի 2-ի նիստում հավանություն տվեց փոխըմբռնման հուշագրի կնքմանը։

ՅՈՒՆԻՍԵՖ-ի կողմից հատկացվող 183 մլն դրամը կուղղվի Արցախում փաստացի բնակված անչափահաս երեխաներին, որոնք գտնվում են Հայաստանում՝ յուրաքանչյուրի հաշվով 2 ամիս հատկացնելով ամսական 30 500 դրամ: Աջակցություն կստանա 3000 երեխա։

Աշխատանքի և սոցիալական հարցերի նախարարը որոշումն ուժի մեջ մտնելուց 7-օրյա ժամկետում ՅՈՒՆԻՍԵՖ-ի հայաստանյան գրասենյակի հետ կկնքի նշված գումարի փոխանցման փոխըմբռնման հուշագիր։