Իրանի հոգևոր առաջնորդ Ալի Խամենեին Իսլամական հեղափոխության 42-րդ տարելիցի պատվին, որն այս տարի նշվում է փետրվարի 10-ին, համաներում է շնորհել 3840 բանտարկյալների։ Այդ մասին գրում է TACC-ը՝ հղում անելով Tasnim գործակալությանը։ 

Խոսքը ներման և պատժի ժամկետների կրճատման մասին է։ Ավելի վաղ համաներման նախագիծը և բանտարկյալների համապատասխան ցանկերը Իրանի հոգևոր առաջնորդին ներկայացրել էր երկրի բարձրագույն դատարանի նախագահ Էբրահիմ Ռայիսին։

Իրանական օրացույցով, բահման ամսվա 22-րդ օրը, որն այս տարի համընկել է փետրվարի 10-ի հետ, Իրանի գլխավոր ազգային տոներից մեկն է։ Այդ օրը համարվում է Իրանի վերջին շահ Մոհամեդ Ռեզա Փեհլեվիի (1941-1979) միապետական կառավարման դեմ պայքարում իսլամական հեղափոխության վերջնական հաղթանակի օրը։ 

Համաձայն Իրանի սահմանադրության՝ հոգևորդ առաջնորդն իրավունքի ունի, Բարձրագույն դատարանի նախագահի առաջարկությամբ, ներում շնորհել կամ էլ կրճատել բանտարկյալների պատժաչափերը։

Լուսանկարը՝ Վիքիպահեստից