Տեղամասային հանձնաժողովի նախագահը պնդում է, որ խախտումներ չեն լինի
Երևանի Աջափնյակ, Դավթաշեն և Արաբկիր վարչական շրջաններն ընդգրկող թիվ 2 ընտրատարածքի 6/30 ընտրատեղամասում դիտորդական կազմակերպություններից ներկայացված դիտորդներ չկան տվյալ պահին:
Մինչև ընտրական պրոցեսի սկսվելը՝ հանձնաժողովի նախագահը ստուգեց քվեատուփը՝ վստահ լինելու համար, որ այն դատարկ է:
Հանձնաժողովի նախագահ, ՀՀԿ-ից ներկայացված Ինգա Ոսկանյանի խոսքով՝ ընտրատեղամասում կա գրանցված 1906 ընտրող:
«Միանշանակ կարող եմ ասել, որ խախտումներ չեն լինի»,- նշեց նա:
6/31 ընտրատեղամասի հանձնաժողովի նախագահ Ռուզաննա Հակոբյանի խոսքով էլ՝ ընտրատեղամասում կա գրանցված 1672 ընտրող: Ռուզաննա Հակոբյանը «Բարգավաճ Հայաստան» կուսակցությունից է:
Ընտրատեղամասում կա մեկ վստահված անձ՝ «Իմ քայլը» դաշինքից:
Ընտրատեղամասում ընտրողներից մեկը մի քանի քվեաթերթիկ էր դրել ծրարում: Հանձնաժողովի անդամներից մեկը զգուշացրեց ընտրողին, ինչից հետո իրավիճակը շտկվեց:
Սոնա Գրիգորյան
Տեսանյութեր
Լուսանկարներ
Մեկնաբանել