ՀՀ երկրորդ նախագահ մամուլի խոսնակ Վիկտոր Սողոմոնյանը «Հետքին» տեղեկացրեց, որ այսօր Ռոբերտ Քոչարյանը հանդես չի գալու որեւէ հայտարարությամբ, եւ մամուլում շրջանառվող լուրերն իրականությանը չեն համապատասխանում:

Նշենք, որ մամուլում լուրեր էին շրջանառվում, թե Ռոբերտ Քոչարյանն այսօր գալիք ընտրությունների թեմայով հանդես է գալու հայտարարությամբ:

«Ես հիմա ոչինչ ասել չեմ կարող, կառաջարկեի մի փոքր էլ սպասել, քանի որ Ռոբերտ Քոչարյանի հետ գալիք ընտրությունների թեման չեմ քննարկել, առաջիկայում կքննարկեմ: Այս պահին որեւէ նորություն չկա»,- ասաց Վիկտոր Սողոմոնյանը:

Հարցին, թե Ռոբերտ Քոչարյանը ընտրությունների հետ կապված քաղաքական հանդիպումներ ունենու՞մ է, Վիկտոր Սողոմոնյանը պատասխանեց. «Վերջին շրջանում հաճախակի եղել է Ծաղկաձորում, հիմա էլ, եթե գնաք Ծաղկաձոր, իրեն դահուկներով կտեսնեք: Ինչքանով դահուկները քաղաքականության հետ կապ ունեն... Իհարկե ունեն»: