Տիգրան Կարապետյանը ասաց, թե վերջերս ՀՀԿ-ից միջնորդի միջոցով իրեն առաջարկել են կուսակցության հետ եզրեր փնտրել, սակայն ինքը մերժել է: Նրա ասելով` առաջիկայում այլ կուսակցության անդամ դառնալու ցանկություններ չունի եւ քաղաքականության մեջ առաջ է գնալու միայն իր ղեկավարած «Ժողովրդական կուսակցության» միջոցով:

Տիգրան Կարապետյանը հրաժարվեց ասել այն «միջնորդի» անունը, ով իրեն ՀՀԿ-ի շարքերն անցնելու առաջարկ է արել: «Դա տղայական չի: Ուղղակի փորձ է արվում, այդ փորձերը միշտ էլ արվել են: Ես մտածում եմ, որ իմ տարիքում մաքուր, անաղարտ մնալն է կարեւորը: Ես մաքուր եղել եմ, կամ եւ կմնամ»,-ավելացրեց Տիգրան Կարապետյանը: