Երթուղային տաքսիների մի քանի տասնյակ վարորդ արդեն 2-3 օր է գործադուլ է անում, քանի որ գազի թանկացման հետևանքով վնասով է աշխատում: Վարորդները խնդրի լուծման տարբեր եղանակներ են տեսնում. լավագույնը գազի գնի կարգավորումն է: Եթե դա հնարավար չլինի, նրանք առաջարկում են որոշակի սուբսիդավորում կամ գծատերերի համար հարկային բեռի թեթևացում: Այսօր առավոտվանից Մալաթիա-Սեբաստիա համայնքում գործադուլի դուրս եկած վարորդները այլ վարորդներին ու քաղաքացիներին կոչ են անում միանալ իրենց բողոքին: Գործադուլի են դուրս եկել նաև Նոր Նորքի երթուղայինի վարորդները: