Հունվարի 17-ին` ժամը 13.05-ին ահազանգ է ստացվել, որ Երևան-Սևան ավտոճանապարհի 26-րդ կմ-ում (ավազահանքի մոտ) տեղի է ունեցել ավտոպատահար, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում «ՎԱԶ-2106» մակնիշի 03 ՏՏ 938 պետհամարանիշի ավտոմեքենան դուրս է եկել ճանապարհի երթևեկելի մասից և գլորվել հարակից ձորը, ինչի հետևանքով վարորդ, Երևան քաղաքի բնակիչ, 1978 թվականին ծնված Տիգրան Ջուլյանը տեղում մահացել է:

Հրշեջ-փրկարարները ավտոմեքենայից դուրս են բերել և «1-03» ծառայության աշխատակիցներին հանձնել  Տիգրան Ջուլյանի  դին: