Երեկ՝ ժամը 11:40-ին, Փրկարար ծառայությունն ահազանգ է ստացել, որ հրդեհ է բռնկվել Արմավիրի մարզի Թաիրով գյուղի Երևանյան խճուղու թիվ 14 հասցեում գտնվող խանութ-սրահում: Արվել է Ս. Մարտիրոսյանին պատկանող խանութ-սրահի գույքը` 100 քմ մակերեսով:

«Մինչ հրշեջ-փրկարարների ժամանելը խանութ-սրահի աշխատակից, 1982թ.-ին ծնված Արման Սարգսյանը ստացել է դեմքի և վերին վերջույթների այրվածքներ և տեղափոխվել Երևան քաղաքի Այրվածքաբանության կենտրոն, որտեղ ստացել է առաջին բուժօգնություն և դուրս գրվել»,- տեղեկացնում են Արտակարգ ալիք լրատվական կենտրոնից: