Հունվարի 8-ին ահազանգ է ստացվել, որ Շիրակի մարզի Թորոսգյուղի մոտակայաքում տեղի է ունեցել ավտոպատահար, կա տուժած, անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում Գյումրի-Աշոցք ավտոճանապարհի 17-րդ կմ-ում շրջվել է «ԿամԱԶ» մակնիշի VAL 286 պետհամարանիշի, կարտոֆիլով բարձված բեռնատարը, որի հետևանքով տարբեր աստի­ճա­նի մարմնական վնասվածքներ է ստացել վարորդը՝ Վրաստանի 41-ամյա քա­ղա­քա­ցի Մեհրաբ Լեժավան:

Հրշեջ-փրկարարների ուժերով տուժածը ավտոմեքենայից դուրս է բերվել և «1-03» ծառայու­թյան ավ­տո­մեքենայով տեղափոխվել Աշոցք գյուղի հիվանդանոց: Տուժածի առողջական վիճակը գնահատվել է բավարար: