«ՀԺ»-ի տեղեկություններով՝ երեկ՝ ուշ երեկոյան, ձերբակալվել է «Եղնիկներ» զորամասի ենթասպա Արմեն Թովմասյանը, որը դեկտեմբերի 14-ին հարվածել էր զինծառայող Նարեկ Ավետիսյանի դեմքին, ինչի հետևանքով Նարեկը կորցրել է աչքը:

Դեպքը տեղի է ունեցել առավոտյան՝ ժամը 7:20-ին, «Եղնիկների» ճաշարանում: Միջադեպի հետ կապված՝ ՀՀ ՊՆ քննչական ծառայությունից ավելի վաղ հայտնել են, որ քննչական ծառայության երրորդ կայազորային քննչական բաժնում ՀՀ քրեական օրենսգրքի 375-րդ հոդվածի առաջին մասով (պաշտոնատար անձի կողմից իշխանությունը չարաշահելը, իշխանազանցությունը կամ պաշտոնական լիազորությունների սահմանն անցնելը և այդպիսով էական վնաս պատճառելը) քրեական գործ է հարուցվել:

Նշված հոդվածը նախատեսում է մինչև 8 տարվա ազատազրկում: