Տեսանյութեր
Լուսանկարներ
Գեղանկարչական աշխատանքների պահպանման համար «Ցուցահանդեսային կենտրոն»-ին այլ տարածք կհատկացվի
Պետական գույքի կառավարման վարչությանն ամրացված, մշակույթի նախարարության «Հայաստանի ազգային պատկերասրահ»-ին անհատույց օգտագործման իրավունքով հանձնված Մաշտոցի պողոտա 11ա հասցեում գտնվող տարածքը կփոխանակվի Մակար Նահապետյանի սեփականությունը հանդիսացող, Ադոնցի փողոց 7 շենքում գտնվող տարածքի հետ։
Կառավարության այսօրվա նիստում հավանության արժանացավ պետական գույքի կառավարման վարչության պետ Արման Սահակյանի ներկայացրած որոշման այս նախագիծը։
Նախագծում ասվում է, որ պետական գույքի կառավարման վարչություն է դիմել մշակույթի նախարարը՝ տեղեկացնելով, որ «Ցուցահանդեսային կենտրոն» ՊՈԱԿ-ի տնօրենը հայտնել է, որ կազմակերպության ներկայիս ֆոնդապահոցը գտնվում է նկուղային հարկում, որտեղ պահպանվում են լավագույն ստեղծագործողների գեղանկարչական և գրաֆիկական աշխատանքները, չկան համապատասխան պայմաններ՝ թանգարանային արժեքների պահպանության համար, և խնդրել է «Հայաստանի ազգային պատկերասրահ»-ին տրամադրած տարածքը փոխանակել Մակար Նահապետյանի տարածքի հետ։
Մշակույթի նախարարությունը, տալով իր համաձայնությունը, բարձրացված խնդրի վերաբերյալ գույքի կառավարման վարչությանը առաջարկել է կատարել այդ փոփոխությունը։
Վարչության փոխանցամբ՝ փոխանակվող գույքերը համարվում են համարժեք և կողմերի մոտ որևէ դրամական կամ այլ ձևով փոխհատուցման պարտավորություն չեն առաջացնում։
Մեկնաբանել