Տեսանյութեր
Լուսանկարներ
ԱԳՆ-ն պարզաբանում է
Հայաստանի քաղաքացի Միհրան Գալստյանը դիմել է «Հետքին»՝ հայտնելով, որ մեկուկես ամիս է` երկու տարով ելքի վիզա ստանալու նպատակով դիմել է Մոսկվայում Հայաստանի դեսպանատուն, սակայն մինչ օրս այնտեղից որևէ պատասխան և արձագանք չի ստանում։
Հրապարակման վերաբերյալ երեկ Արտաքին գործերի նախարարությունից պարզաբանում ենք ստացել, որ ՀՀ քաղաքացի Միհրան Գալստյանը ՌԴ-ում ՀՀ հյուպատոսական բաժին է դիմել այս տարվա նոյեմբերի 15-ին՝ անձնագրի օտարերկրյա պետություններում վավերականության ժամկետը երկարաձգելու նպատակով:
«Դեսպանության հյուպատոսական ծառայության կողմից՝ ըստ կարգի ձեռնարկված գործողությունների արդյունքում պարզվել է, որ քաղաքացի Գալստյանը ՀՀ պետական բյուջեի նկատմամբ չկատարված պարտավորություններ ունի: Տվյալ պարագայում դիմումը դիտարկվում է հատուկ ընթացակարգով»,-ասվում է նախարարության պարզաբանման մեջ։
Նախարարությունը նաև հավելել է, որ Գալստյանին ՌԴ-ում ՀՀ դեսպանության հյուպատոսական ծառայությունը տեղեկացրել է իր հարցի լուծման համար ժամանակ պահանջող խորչընդոտների մասին և հարցը քննարկվել է դեսպանությունում` դիմողի ներկայությամբ:
Մեկնաբանել