Երեկ ոստիկանության Երևան քաղաքի վարչության հերթապահ մաս է զանգահարել մի քաղաքացուհի և հայտնել, որ նախորդ օրը՝ ժամը 12.00-ին, Կոմիտասի պողոտայի և Վաղարշյան փողոցի խաչմերուկում անհայտ ավտոմեքենայի վարորդը վրաերթի է ենթարկել իր 1-ամյա որդուն` պատճառելով մարմնական վնասվածքներ:

«Ձեռնարկվում են միջոցառումներ ավտոմեքենան և վարորդին հայտնաբերելու ուղղությամբ: Ոստիկանության Արաբկիրի բաժնում կատարվում է նախաքննություն»,- տեղեկացնում են ոստիկանության լրատվության վարչությունից: