Տեսանյութեր
Լուսանկարներ
Զինվորական հոսպիտալ է տեղափոխվել 3 զինծառայող. երկուսին վիրահատում են
«Մուրացան» զինվորական հոսպիտալից «Հետքին» տեղեկացրին, որ Արցախից այսօր տարբեր վնասվածքներով իրենց մոտ են տեղափոխել երեք զինծառայող: Երկուսին այս պահին վիրահատում են, իսկ երրորդի վիճակը կայուն ծանր է:
Ինչ վիճակում են զինծառայողները հարցին, հոսպիտալի պետի ընդունարանի աշխատակցուհին պատասխանեց մեկ բառով` «ծանր»:
«Էրեբունի» ԲԿ-ի լրատվական բաժնից էլ փոխանցեցին, որ իրենց մոտ զինվորականներ այս պահին չկան: Սակայն «Էրեբունի» օդանավակայանից ուղղաթիռով բերված երեք զինծառայողներին «Մուրացան» Կենտրոնական կլինիկական հոսպիտալ տեղափոխել են ԲԿ-ի շտապօգնության ավտոմեքենաներով:
Նշենք, որ ապրիլի 1-ի լույս 2-ի գիշերը շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակողական գործողություններ` այլ զինատեսակների հետ միասին օգտագործելով հրետանի, զրահատեխնիկա և օդուժ: Այս պահին էլ մարտերը շարունակվում են։
Մեկնաբանել