ՀՀ վաստակավոր եւ ԼՂՀ ժողովրդական արտիստուհի Նվարդ Ասատրյանի մահվան կապակցությամբ նախագահ Բակո Սահակյանը ցավակցական հեռագիր է հղել նրա ընտանիքին: 

Հեռագրում ասված է. «Ցավով տեղեկացա ՀՀ վաստակավոր եւ ԼՂՀ ժողովրդական արտիստուհի Նվարդ Ասատրյանի մահվան մասին: Արցախյան բեմում նրա կերտած կերպարները իրենց ուրույն տեղն են զբաղեցրել մեր մշակույթի զարգացման գործում: Իր անզուգական խաղով Նվարդ Ասատրյանը արժանիորեն վայելում էր հանդիսատեսի հարգանքն ու սերը: ԼՂՀ իշխանությունների եւ անձամբ իմ անունից անդառնալի կորստի կապակցությամբ խորին վշտակցություն ու զորակցություն եմ հայտնում հանգուցյալի բոլոր հարազատներին ու մերձավորներին, Արցախի թատերասեր հասարակայնությանը: Անվանի արտիստուհու հիշատակը միշտ վառ կմնա նրա արվեստի երկրպագուների սրտերում եւ հայ թատրոնի պատմության մեջ»: