Երեկ Ռումինիայի Տարգու Մուրեշ քաղաքի «Տրանս-Սիլ» մարզադաշտում ավարտվեց Եվրոպայի Մ-21 2017 թ. առաջնության ընտրական փուլի Ռումինիա-Հայաստան հանդիպումը, որն առաջինն էր մեր ընտրանու համար:

Առաջին խաղակեսն ավարտվեց ռումինացիների հաղթանակով 2:0 հաշվով: 16-րդ րոպեին հաշիվը բացեց Գեորգե Պուշկաշը, իսկ 32-րդ րոպեին Կոնստանտին Պաունը կրկնապատկեց այն: Երկրորդ խաղակեսին ավելացված ժամանակում Ֆլորին Տանասեն ևս մեկ անգամ գրավեց Հայաստանի հավաքականի դարպասը: Ռումինացիները հաղթեցին 3:0 հաշվով: 

Հիշեցնենք, որ 2017 թ. Եվրոպայի երիտասարդական առաջնության ընտրական փուլի F խմբում ընդգրկված են նաև Դանիայի, Ուելսի, Բուլղարիայի, Լյուքսեմբուրգի հավաքականները: