ՀՀ փոխվարչապետ, տարածքային կառավարման նախարար Արմեն Գեւորգյանի գլխավորած պատվիրակությունը, որի կազմում են ՀՀ Արարատի, Լոռու, Կոտայքի, Շիրակի, Սյունիքի, Տավուշի մարզպետները, այսօր երկօրյա աշխատանքային այցով մեկնեց Լեռնային Ղարաբաղի Հանրապետություն:

Պատվիրակությունը հանդիպումներ կունենա  ԼՂՀ նախագահ Բակո Սահակյանի, վարչապետ Արա Հարությունյանի հետ, որոնց ընթացքում  կքննարկվեն Հայաստանի մարզերի եւ Լեռնային Ղարաբաղի Հանրապետության վարչական շրջանների միջեւ փոխգործակցության  ընդլայնմանն ու խորցմանն  առնչվող հարցեր:

Մարզպետները կայցելեն Լեռնային Ղարաբաղի գործընկեր վարչական շրջաններ, տեղերում կքննարկեն համագործակցության հնարավորություններն ու ուղղությունները, ինչպես նաեւ կոնկրետ ծրագրերի իրականացմանը վերաբերող հարցեր:

ՏԿՆ հասարակայնության հետ կապերի բաժինը տեղեկացնում է, որ այցելության արդյունքները եւ ձեռք բերված պայմանավորվածությունները կամփոփվեն ԼՂՀ կառավարությունում: