Հոկտեմբերի 23-ին՝ ժամը 16:20-ին, ոստիկանության Կապանի բաժնում հաղորդում է ստացվել, որ Քաջարան քաղաքի Տերյան փողոցի բնակարաններից մեկում հրդեհ է բռնկվել, ստացված այրվածքներից մահացել են ամուսիններ` 82-ամյա Արամայիս Գալստյանը և 78-ամյա Ռոզա Սարգսյանը:

Պարզվել է, որ հրդեհը բռնկվել է ժամը 15:00-ի սահմաններում բնակարանի խոհանոցում, ինչի հետևանքով տանտերերը ստացել են տարբեր աստիճանի այրվածքներ, ծխախեղդ եղել և մահացել:

Հրդեհը մարվել է նույն օրը՝ ժամը 15.43-ին, մարտական մեկ հաշվարկի ուժերով:

«Հրդեհի պատճառները պարզվում են: Կատարվում է նախաքննություն»,- հայտնում է ոստիկանությունը: