Երեկ՝ ժամը 18:55-ին, ոստիկանության Տավուշի բաժնում հաղորդում է ստացվել, որ վնասվածքներով հոսպիտալ է տեղափոխվել 39-ամյա Արամայիս Հ.-ն: Պարզել է, որ նույն օրը` ժամը 14:00-ի սահմաններում, Արամայիսը, անցնելով սահմանամերձ գոտու հայկական հենակետերը, հայտնվել է Ադրբեջանի Հանրապետության Աղդամ գյուղին հարակից  չեզոք գոտում գտնվող ականապատված դաշտում և ընկել ականի վրա, որի պայթյունից ստացել է վնասվածքներ և տեղափոխվել հոսպիտալ:

«Արամայիս Հ.-ին տրվել է դատաբժշկի ուղեգիր: Հանգամանքները պարզվում են: Տավուշի քննչական բաժանմունքում նախապատրաստվում են նյութեր»,- հաղորդում են ոստիկանության մամլո ծառայությունից: